Iburu 11:35 - Vato Vari Vakameka Voru Ia Batu Ne

³⁵ Qolero iri vaogote go God, iri pala vaule napua sale ro ria ba vano vano ria iri le bana go. Do kero ne basoero napu iri vaogote go God, iriki toqe ne kaega ko talupasa, mana iri le loborona vari vae vale i sakata sivala, go tarina pala too velaka ṉalu muzi.

Iburu 11:35 ပူးပေါင်းရင်းမြစ်များ

Matiu 22:30

Ṉalu vano le tarina too ule napu mego, valekero mana qolero tariniki busi kaega, tarina ko gere qira so aqelo ro na rani ne.

Maka 12:25

Ṉalu osiqira basoero tarina za too napu mego tepa le ne, valeke mana qole tiniki ara busi napu kaega, do tarina ko gere qira so aqeloro iri koego rani ne.

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Luka 20:36

Tarina gere qira aqelo ro mana tariniki le kaega, iri salesalero ia God, tanego iri too napu me tepa le.

Tarama Velaka Ia Jesu Kristo I Karo Go Jon 5:29

mana tarina siporo kasi ne me kukubo ro ria. Ria iri zazu bana nego pataro i totoloṉo go, tarina too sivala, do ria iri zazu bana nego pataro iki totoloṉo go kaega, tarina kimata taru so.”

Zazu Ria Apostoloro 22:29

Pasi nae to ia, basoero iri vele lama tana ne go Pol, iri tanokoro ule, mana batu lavata ria vano varitara isareki, tanego i rove to, Pol i kaki basoe igere qira so ria iri koego Rom, iado ni ara qolo ze go seni karisina.

Zazu Ria Apostoloro 23:6

Ṉalu Pol i mia basoero iri lama teṉoe go pepeu ne, kakiaro iri vano Sadusi, mana kakia ro iri vano Parisio, iago ia iseko vamazala age loboro qira vano iri koego pepeu ne. “Ramu Onotoquro na Izirel! Era qa kaki valeke Parisio qa sale ria vano Parisio go. Era qa lama go qamu pada nave go loborona pepeu dena, tanego qa vaogote ria iri le bana go tarina too napu me tepa le ne!”

Zazu Ria Apostoloro 24:15

Ria to mana era go, i varitora so piri qivae nego Batu ne, qi rove God tina vatoo qira e tepa le ne vano vatovato velaka mana vano vatovato sakata go.

Zazu Ria Apostoloro 4:19

Do Pita mana Jon iru vataule ne qira ria, iru go dena, “Ṉalu raru taruna nanao kasupe ne seko ia God mana vaogoto qamu ramu gogo ne, avigo itotoloṉoe tarakenaqana God ba kaega? Ramu muna nanao velake pata dena.

Zazu Ria Apostoloro 9:41

Pita i tavisi ne toqo vadegerena ia. Gonae ikoru qira osiqira qolero nanaro mana vano lotu, i vamao ne qira to tarina mia Tabita i too napu go.

Kameka Korinti 15:54

Ṉalu osina pataro dena tina lama sadaka, pataro i le go tina kavala mana tiniki rove to kaega le go, go Buka tabo ne tina lama ogoto, le i lupo to. God i vaqoqoro bana ia!

Pilipae 3:11

Loborona ruqe era nae, era tanuqu ma too napu me tepa le ne.