Iburu 11:27 - Vato Vari Vakameka Voru Ia Batu Ne

²⁷ Mosese i vaogote God, iato go iki sareki ne kaega batu Pero i lete muma go ṉalu i kasi ne Izipito i gere kapata i miasoba go God, i makure go basoe tina mia ze mata qira, iago i kasina ara ule go.

Iburu 11:27 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Maka 13:13

Basoero ne tariniki soko qamu kaega, tanego qamu basoero era. Do basoe i degere vanadu go, mana za dokae valupo lupo na gogo ne, God tina vakavele too iago.”

Maka 4:17

do iki zako vaumate kaega nanao qira, iago ṉalu pata makuru ba pata vari vae vale i lama doka qira iri katikili so vana nena.

Zazu Ria Apostoloro 2:25

Tanego Davita i sine bana me sauna ia, ‘Era qa mia God i koe tarakenaqaqu osina ṉalu ro ne, ila iko garogaro ava, mana era qaki ko vari vananama kaega.

Kameka Korinti 13:7

Mamaligara i makuru va pela na nanao ia basoe, mana vaogoto ia, ruruqe ia mana nanao losi ia tiniki va qoqore kaega.

Karua Korinti 4:18

Tanego remu qiki vanadu ze kaega nanao qemu, pataro qata mia go, do qi vanadu ze nanao qemu, pataro qata ki mia go kaega. Pataro qata mia go, iki pata ko vaumata kaega, do pataro qatiki mia go kaega, iato pataro tina ko sivala go.

Kolosia 1:15

Kristo i gere so God, do qata mazala mia na, do God qatiki mazala kaega mia na. Kristo i kameka sale kenaga ia God, i lete mazala sivala ne osina ro pata i vazaria go.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Iburu 10:32

Muna nanao ule zaqe pataro i sadaka bana mego. Ṉalu tatavata ia God i lama sadaka qamu go, ṉalu nae ramu qamu kimata ne topuna pata, do pataro nae iki va noto qamu kaega ramu.

Iburu 11:1

Ṉalu qata vaogote go God, qata taru ze ruruqe ita de ikoe pataro i pui nego God, patavolomo qataki mia kaega, do qata rove i ko.

Iburu 11:13

Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Jemisi 5:11

Ita qata koru qirae ria, kula tanego iri konoto, mana vanadu ria nae tane vokara ro iri pala go iza vadoka qirae go ria valupolupona too ria. Ramu qamu gata bana de igogo Zobi. Topu pata makuru ilama dokae go de ikoe go, do ia ikonoto mana vanadue so de ikoe go God. Mana taramuzina God itavisi ne ia, tanego God ipurake manava mana varinanao de iri koego basoero ne.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.