Iburu 11:25 - Vato Vari Vakameka Voru Ia Batu Ne

²⁵ Ia i nanao tina kimata tavisi qira basoero ia God, tanego iki soko kaega ko kula ena vasakata pata, ko kula nae iki umata so kaega.

Iburu 11:25 ပူးပေါင်းရင်းမြစ်များ

Matiu 13:21

Do iki zunu za kaega loborona nanao qira, iago iki ko vaumata kaega. Ṉalu kaki pata makuru i doka qira, mana ṉalu kakiaro basoero iri vasasakata ne qira sauna Tarama Velaka ne, iri katikili so nanao vana ne na seko ia Batu ne.

Luka 16:25

Do Abra-am i vataule ne ia igo, ‘Nanaotarua sale era, ara too qo vaego qo pala lupo bana to osina pata velaka, mana Lazarus i pala topu na pata sakata ro. Do ninidena Lazarus i lama koe kulakula, mana aro qo pala to vokara.

Zazu Ria Apostoloro 7:34

Era qa mia ko vokara mana vasasakata iri vane ne qira go basobasoero era tepa Izipito. Qa gata bana dae iri vae mego, mana qa za qoqoro me, go tuna va talupasa qira, lama to aro, era tuna turi ni go aro tono zae go Izipito.’

Leta Ia Pol I Karo Ne Qira Basoero Na Rom 5:3

Ita mata kula napu ne ita tane makuru ro qata soba go dena, tanego ita gata rove makuru ro dena to tinara vanadu qita go ita,

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Karua Timoti 1:8

Oniki agava ne tarama ne Tarama Velaka ne, ba agava nava era qa koego bara ne tanego i sauna Kristo. Do aro ne, ono pala tavise vokara sauna vasadake na Iarama Velaka ne, tanego God i teke bana nigo karaputa go tono zazu ne go.

Iburu 10:32

Muna nanao ule zaqe pataro i sadaka bana mego. Ṉalu tatavata ia God i lama sadaka qamu go, ṉalu nae ramu qamu kimata ne topuna pata, do pataro nae iki va noto qamu kaega ramu.

Iburu 11:37

Kakiaro na iri vana vale qira e ipaka, mana vela vari lobon ne qira, kakiaro na in vae vale qirae pegi loda ro. Kakiaro ria i kaega ne qira poga lago iri va baribari neso kapoto na sipi ba nanikoti, tanego iri situ, in vasasakata ne qira mana in vasasakata ne tokama qira go.

Iburu 4:9

Iato go ita qata rove, basoero ia God tarina mazala palana ziṉo igogo ne de ikoego God, gere so tanuna God i ziṉo go vavituna musaqara.

Jemisi 1:20

Tanego muma ia basoe iki zazu ne kaega pata velaka ni soko go God.

Jemisi 5:5

Too ramu pua dena, ramu qamu lete pala to pata vavagado, mana qamu lete vakula to tokama qamu go. Tokama qamu i lete lavata, tanego qamu lete va ṉaṉa velaka qamu tanuqamu. Ia to nae tanego musaraqara muzimuzi God tina vae vale qamu go.

Kameka Pita 2:10

Ṉalu bana ne ramu qamuki basoe ia kaega God, do ninidena ramu qamu basoero ia, ṉalu bana me ramu qamuki pala kaega manava ia God, do ninidena ramu qamu pala to manava ia.

Revaleson 18:7

Teke ne ia vokara mana maqata i lete lavata go, go mara lepua ko kulakula ivaego pade vavagado ia i lete meno go, iato go i sine go, ‘Era qa kolokue dena qa kameka qole batu lavata, qaki qole nanaro kaega go tuna maqata nego kaki pata!’