Iburu 11:13 - Vato Vari Vakameka Voru Ia Batu Ne

¹³ Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 11:13 ပူးပေါင်းရင်းမြစ်များ

Matiu 13:17

Masine ne qamu pata ogoto, topu propetaro mana vano iri lulua go too velaka ia God iri lete soko mia na pata qamu mia go ramu ninidena, do iriki mia kaega, mana gata na pataro qamu gata go ramu ninidena do iri ki gata so kaega.”

Tarama Velaka Ia Jesu Kristo I Karo Go Jon 12:41

Isaia i sine go pataro dena, tanego i mia bana karaputa mazala ia Jesu, ia ta go i pepeua go.

Tarama Velaka Ia Jesu Kristo I Karo Go Jon 8:56

Tamaqamu Abra-am i lete kula sivala i nanao go tina mia go musaqara tuna lama go era. I mia bana to musaqara nae mana i lete kula sivala go.”

Leta Ia Pol I Karo Ne Qira Basoero Na Rom 4:21

Ia i rove velake God tina zazu ne pata ni pui bana ne go.

Leta Ia Pol I Karo Ne Qira Basoero Na Rom 8:24

Tanego ruruqe dena to ita qata kavele banae go. Do ṉalu ita qata mia go pataro qata ruruqe go, ianae iki ruruqe ogoto kaega. Tanego kaega basoe tina ruruqe zaqe go pata ni mia bana go.

Karua Korinti 4:18

Tanego remu qiki vanadu ze kaega nanao qemu, pataro qata mia go, do qi vanadu ze nanao qemu, pataro qata ki mia go kaega. Pataro qata mia go, iki pata ko vaumata kaega, do pataro qatiki mia go kaega, iato pataro tina ko sivala go.

Karua Korinti 5:6

Ita i puraka ne qita karaputa osina ṉalu, iago ṉalu qata koeso pade ikoego tokama qita, ita qata laqalaqa ne pade ia God.

Epesus 2:19

Iago, ramu vano qamuki Jiu go kaega qamuki basoe kakavata to kaega. Pasi dena ramu qamu basoero tavine tavise to sinaqe basoero ia God, mana ramu qamu lama kameka tatamanae de ikoego God go.

Iburu 11:14

Basoero iri sine go seko dena iri sadake iri soko dokae na vudu ria tanuqira.

Iburu 11:17

Abra-am i vaogote God, iato go i toqe ne komakoma ne na kameka sale ia Aisak, ṉalu God i pada ne ia. De koe Abra-am God i zazu ne ze pui ia, do Abra-am i vanama neso komakoma ne sale ia.

Iburu 11:27

Mosese i vaogote God, iato go iki sareki ne kaega batu Pero i lete muma go ṉalu i kasi ne Izipito i gere kapata i miasoba go God, i makure go basoe tina mia ze mata qira, iago i kasina ara ule go.

Iburu 11:39

Osiqira ria ne, iri vaogoto lupo so God lago God i seko velaka ne qira. Do iri ara kaebo pala na pata i pui ne go God.

Kameka Pita 1:1

Era Pita qa apostolo ia Jesu Kristo. Qa karo ne qamu ramu basoero ia God qamu repe go osina dia, gere qira basoero kakavata tepa kena Pontus, Qalesia, Kapodosia, Esia mana Bitinia.

Kameka Pita 1:17

Ṉalu ramu qamu pene go God qamu koru ze ia Tamaqamu, ia nae i vari pada neso osina basoe, do vivine ia so iara taru ze go nogotona basoero sauna pataro iri zazu ne go. Iago ko qamu ara vae go pua dena muna vazaka ia mana ko padapadae de ikoego ia osina ṉalu.

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.

Kameka Jon 3:19

Ṉalu qata zazu neto vatovato nae qatara mazala go ita rovena qata ke ogoto ia God.