Iburu 10:36 - Vato Vari Vakameka Voru Ia Batu Ne

³⁶ Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 10:36 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Maka 3:35

Basoe izazu ne to pata isoko go God tarina kanae ro, kaequro mana vavaniqu ro go.”

Luka 21:19

Degere vanadu, go tamuna vakavele tanuqamu.”

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 13:22

Taramuzina God i pala vakuziki ne Sol, ia iteke napu ne qira Davita tina batu lavata napu ria go. Mana ia to dena pata i sine bana ne go ia God, ‘Ninidena era qa soko Davita sale ia Jese ia to adona basoe qa soko go, tina zazu ne go pataro qasoko ze go era de ikoego.

Zazu Ria Apostoloro 13:36

Tanego Davita i osaka ne so God lodana ṉalu ia. Mana ṉalu ile iri vou tavise ze ia de iri koego kazigarata ro ia mana tokama ne i nolie loborona kukubo ne.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 8:25

Do ruruqe ogoto nae i reqeme pata qatiki mia go kaega. Iato nae gogo qata ko piri vanadu ne go so ita.

Kameka Korinti 13:7

Mamaligara i makuru va pela na nanao ia basoe, mana vaogoto ia, ruruqe ia mana nanao losi ia tiniki va qoqore kaega.

Qalesia 6:9

Iago ita mata kasi tamadoko ne pata velaka qata zazu ne go. Tanego ṉalu ita qatiki pela ne go kaega zazu nena velaka ita, ita tatana za pala ze urena zazu velaka ita musaqara iko mego.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Iburu 11:39

Osiqira ria ne, iri vaogoto lupo so God lago God i seko velaka ne qira. Do iri ara kaebo pala na pata i pui ne go God.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Iburu 6:17

God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Iburu 9:15

Sauna to pataro dena, Kristo so tina vanama go varitoqe voru ne, go ria i koru bana qira go God tarina pala vatabo i too sivala, i pui bana nego God. Pataro dena tina mazala zazu, tanego Jesu i le banae koluse ne mana i vakavele bana qirae basoero tepa ia kebu ro iri zazu bana nego ara zazu i vae go varitoqe kenaqa ne.

Kameka Pita 1:9

Tanego God i vakavele go madau qamu, iato nae tane pata i lete lavate go vaogoto raramu de ikoego ia.

Kameka Jon 2:17

Vudu pua, mana osina pataro iri lete soko go basoero ne iri pata kavakava so, tarinara za kaega so. Do basoe i lulua mana i zazu ne go soko ia God, tina too sivala.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.