Iburu 10:35 - Vato Vari Vakameka Voru Ia Batu Ne

³⁵ Iago, kasi memelaka, tanego ṉalu qamu pala tarua karaputa nae, God tina teke ne qamu voli lavata.

Iburu 10:35 ပူးပေါင်းရင်းမြစ်များ

Matiu 10:32

Gonae Jesu i sine ne qira, “Ṉalu kaki basoe i sine vasadaka ze de iri koego basoero ne, igo, ‘Tanuna i lulu ara era,’ era tuna sine vasadaka napu ze ia de ikoego Mamae tepa rani ne, basoe nae i ke rera go.

Matiu 10:42

Ṉalu kaki basoe i teke ne besi lolomu kaki basoe volomo so, tanego i mia rove basoe nae i lulu ava era, ma sine ne qamu pata ogoto, God tina volia basoe nae.”

Matiu 5:12

Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Iburu 10:19

Iago turaquro, tanego parasana Jesu i va voru bana qita, qata mazala so keba zana kova i lete tabo sivala go.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Iburu 2:2

Seko iri soso bana ne go aqelo ro ne de iri koe vano ṉalu bana ro ita, i lama ogoto, ka basoe iki lulua kaega ba ki vaogote kaega tina pala lepulepu ia vatora ze legulegu ia.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Karua Jon 1:8

Iago, muna miasoka napua tanuqamu, niki go ramu vana ne zazu vokora ramu. Do pata itora go, ramu muna pala lupo voli qamu i vanama bana go God.