Iburu 10:32 - Vato Vari Vakameka Voru Ia Batu Ne

³² Muna nanao ule zaqe pataro i sadaka bana mego. Ṉalu tatavata ia God i lama sadaka qamu go, ṉalu nae ramu qamu kimata ne topuna pata, do pataro nae iki va noto qamu kaega ramu.

Iburu 10:32 ပူးပေါင်းရင်းမြစ်များ

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Pilipae 3:16

Patavolomo igogo nae, ita mata, lulua so, Tamana qata lulu bana go, go i doka go ninidena.

Kolosia 2:1

Era qa soko sine ne qamu de go zazu vokara ro era sauqamu ramu, mana basoero na Laodisia, mana osiqira ria kero ne iriki rove velake kaega too era.

Iburu 12:4

Degere vanadu mana bara ne tanuqamu tepa ia vasakata pata, tanego i kaega ka basoe i le ne go varitara nae.

Iburu 5:12

I lete umata to ṉalu ramu qamu gata bana go seko ia Kristo, i tora to ramu tamu vano varivatatana go, do ramu qamuki rove so kaega, qamu soko napua so kaki basoe tina vatatana qamue go, pataro qamu gata kenaqa bana go sauna Kristo. Iago qamu, gere qira salero iri susu go, i makuru qira go ge na pata gege i magoro go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Iburu 6:4

Do ava tarina go ria iri tabali kakamu ne Kristo, tarina tabali ule mana manava sakata go? Tanego basoero nae iri ko bana eto tatavata ia God, mana iri pala bana soso i teke qira go God i reqe me rani ne, mana Spirit tabo i lama ko tavisi bana qira go,

Karua Jon 1:8

Iago, muna miasoka napua tanuqamu, niki go ramu vana ne zazu vokora ramu. Do pata itora go, ramu muna pala lupo voli qamu i vanama bana go God.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.

Revaleson 3:3

Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.