Iburu 10:25 - Vato Vari Vakameka Voru Ia Batu Ne

²⁵ Iki velaka kaega tatana vana nego kameka teṉomana pepene go, gere qira kakiaro basoero iri kogo, osina ṉalu mata ko vari gatagata go nanaoqita tina karaputa go, tanego qamu mia musaqara ia Batu ne, i lama garogaro to.

Iburu 10:25 ပူးပေါင်းရင်းမြစ်များ

Matiu 10:15

Masine ne qamu pata ogoto, ṉalu na musaqara varitanae ia God, kimata tarina pala go basoero na komala nae tina sivala ne kimata ria vano na komala Sodom mana Qomora.”

Matiu 18:20

Tanego ṉalu karua ba kapisa basoe iri kameka qoqoṉo ego loborona vitoṉoqu era, era qa koe loboro qira.”

Tarama Velaka Ia Jesu Kristo I Karo Go Jon 12:48

Ṉalu ka basoe i sila va era, mana iki toqe ne kaega taramaqu era gogo ne, kaki kameka pata so tina zazu ne ze go vivine ia basoe nae, iato sekoro qa seko nego dena, tina za vivine nego musaqara muzimuzi!

Zazu Ria Apostoloro 16:16

Kaki kameka ṉalu qi zae de iri koego vano iri pepene go, qi za soba kameka qole seka, qole seka dena i kakabua manuru sakata, go iva roverove ia, mana i sine pata tinara sadaka me ṉalu iara ko mego. Vano iri toṉove go qole seka dena, iri pala ze topu na kesa sauna roverove mana sine na pata ro tinara sadaka mego, i zazu nego qole seka ne.

Zazu Ria Apostoloro 2:1

Ṉalu musaqarana Pentikoste ilama doka, osiqira vano iri vaogote go Jesu iri teṉoe kameka dia.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Zazu Ria Apostoloro 20:7

Raravi na ṉalu sarere, remu qi kameka teṉo mana ṉaṉa vari kulae. Pol i sekoe de iri koego basoero ne, Pol i seko vaumata, go i doka so loboro kuse, tanego ia tina zaza sarusaruku na.

Leta Ia Pol I Karo Ne Qira Basoero Na Rom 12:8

Ṉalu God i teke ne qita sosovolomo mazala go tatana vakaraputa qirae go basoero ne seko ita, ita mata zazu neto. Ṉalu basoe i pala sosovolomo na soso go tina teke ne qira go basoero kaki pata i toṉove go, ia mara zazu ne ze pata ogoto i ko mego loborona puṉuna. Ṉalu basoe i pala go sosovolomo na mazala go tina kenaqa ne qira go basoero ne, ia mara miasoka velaka qira to basoero ia. Ṉalu basoe qo vasadake go vari nanao aro de iri koe go basoero ne, ia mara zazu ogoto ne ze to pata ogoto i kome go loborona kula.

Kameka Korinti 11:20

Ṉalu qamu kameka teṉo go, iki pata gege ia kaega Batu ne, tane qamu ge go.

Kameka Korinti 14:23

Ṉalu kakiaro basoero, ba vano iriki vaogoto go kaega, iri lama ko tavisi ṉalu qamu lotu go, mana ramu qamu seko ne seko kakavata ro, avigo tariniki sine kaega, qamu vano bulaṉoe?

Kameka Korinti 14:3

Do basoe i sine vasadake go seko ia God, i seko e de iri koego basoero, mana i teke qira tavisi, iva karaputa nanao qira, mana i teke qira nanao velaka go.

Kameka Korinti 3:13

Mana mazala na zazu ia nogotona basoe tina lama mia rove, ṉalu musaqara muzimuzi. Tanego ṉalu musaqara nae, nako tina va sadaka me, velaka na ba sakatana zazu ia.

Kameka Korinti 5:4

Loborona vitoṉo na Batu ita Jesu Kristo, era qa vine bana too ia basoe ni zazu nego too sakata igogo ne. Ṉalu tamuna kameka teṉo go, nanao era tina lama ko tavisi qamue loborona karaputa i teke qita go Jesu Kristo.

Pilipae 4:5

Vasadake too varinanao, de iri koego basoero ne, Batu ne tiniki umata kaega tina lama go.

Kameka Tesalonika 4:18

Iago, seko dena to muna sine vakaraputa ze de qamu koego.

Kameka Tesalonika 5:11

Iago, ramu muna vari vakaraputa napu tanuqamu gerena qamu zazu ne go ninidena.

Iburu 10:24

Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Iburu 10:37

Tanego karo ikoe Buka tabo ne igo, “Valeke i vanama ne go tina lama go, tiniki umata kaega, valeke nae tina lama, mana lama na ia tiniki ara losi kaega.

Iburu 13:22

Vakitaka ro era, qa pene vakaraputa qamu muniki nonopa ne pataro qa karo zego era leta dena, tanego seko ro era tina vatalasara qamu, tanego leta qa karo zatu go dena, iki lete loda kaega.

Iburu 3:13

Go ramu mara kaega ka basoe tina riroe go vasakata pata mana kuzuku lavata go, muna vari vatatavisi osina musaqara, lulua vitoṉo “Nini” i teke qita go Buka tabo ne.

Jemisi 5:8

Ramu napu to go, muna ko noto so, mana vanadua ruqe ramu, tanego musaqara ia Batu ne tina lama go igarogaro meto.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Judi 1:19

Ria to basoero iri gogo dena iri pero go to lotu, tanego iri lulua so nanao ria tanuqira mana iriki pala kaega Spirit tabo ia God.