Iburu 10:24 - Vato Vari Vakameka Voru Ia Batu Ne

²⁴ Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Iburu 10:24 ပူးပေါင်းရင်းမြစ်များ

Zazu Ria Apostoloro 11:29

Iago nogoto qira disipoloro ne, iri toqe ne vazao na kesa, go tina tavisi ne qirae go vano lotu iri koego Judia.

Leta Ia Pol I Karo Ne Qira Basoero Na Rom 11:4

Avana to i vataule ne go, ia God? Ia igo, “Era qa soti banaṉava tanuqu vituṉaulu mao basoero iriki vazaka go kaega Bal ni god poqe go.”

Leta Ia Pol I Karo Ne Qira Basoero Na Rom 12:15

Muna kula ṉalu qamu ko tavisi qira go vano iri kula go, mana muna dae ṉalu qamu ko tavisi qira go vano iri dae go.

Kameka Korinti 10:33

Muna zazu ne so pata qa zazu ne go era. Tanego pataro qa zazu ne iki sauna kaega velaka era tanuqu, do sauqira basoero topu go mara ria kula mana go mara ria kavele qa go.

Kameka Korinti 9:22

Torana ṉalu qa ko tavisi qira go vano i pela go vaogoto ria de i koe Kristo, era qa pela napu, go tuna tavisi ne qira, go vaogoto ria tina karaputa. Iago qa lulua so de iri gogo basoero ne, qa pada ne topu na zuka go ma tavisi ne qira kakiaro basoero, go tarina pala too ogoto.

Karua Korinti 8:8

Era qaki vadegere kaega ka Tamana, do qa soko vamia qamue dego soko ria kerone basoero iri soko go tavisi na zazu dena, era qa teke qamu ṉalu go tamuna mazala vasadake na mamaligara ramu i pata ogoto.

Karua Korinti 9:2

Era qa rove ramu qamu soko to tavisi, iago qa pepeu vazaka qamue de iri koego basoero na Masedonia. Qa vane qira dena, “Vakitakaro iri koego kena Akaia iri vanama bana meso tavisi pasi ave zago ne.” Ṉalu iri gata ramu qamu soko napua tavisi, topuna basoero na Masedonia iri kula mana tarina soso ne tavisi ria go.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 5:11

Iago, ramu muna vari vakaraputa napu tanuqamu gerena qamu zazu ne go ninidena.

Karua Tesalonika 3:9

Qi zazu ne ia dena, go i kaega ne qemu ka mazala go timuna pene qamue ramu pata tina tavisi ne qemu iki go kaega, do qimu zazu ne go mara vapadapada raramu muna lulua qimu go.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Taetusi 2:4

tarina tavisi ne qira qolero voru, go tarina mamaligara ne valeke ro ria mana salero ria go,

Iburu 13:1

Muna ko vari mamaligarae gere qira tamakena ro.

Iburu 13:3

Muna nanao taru qira vano iri koego bara ze, va gere so tanumu qo ko tavisi e bara ne. Nanao tarua qira vano iri ko vokara go, vagere ze tanumu qo vokara tavisi qira.

Iburu 3:13

Go ramu mara kaega ka basoe tina riroe go vasakata pata mana kuzuku lavata go, muna vari vatatavisi osina musaqara, lulua vitoṉo “Nini” i teke qita go Buka tabo ne.

Kameka Jon 3:18

Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.