Iburu 10:20 - Vato Vari Vakameka Voru Ia Batu Ne

²⁰ Jesu i papaqa bana ne qita zuka voru, zuka i koe too, zuka dena igo za loborona poga lavata i kokoqua go kova lete tabo ne. Do Jesu i papaqa bana ṉalu ia ile go koluse ne.

Iburu 10:20 ပူးပေါင်းရင်းမြစ်များ

Matiu 27:51

Torana so nae, poga lavata i idoke go Pade Lotu ne, i taridaka reqe zakazaka ne doka so sokasoka na ne. Nunu lavata ivizu mana i paose ipaka ro go,

Maka 15:38

Poga lavata iri vaidoko ze go Pade Lotu lavata ne itandaka me zakazaka dokae so sokasoka nane.

Luka 23:45

Mana poga loda iri vaidoko ze go loborona Pade Lotu ne, itaridake vari loborina.

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 6:19

Tanego qata vanadu ze nanao qita sauna pata i pui ne go God, i gere kaki likoto i vanadua go too ita. Likoto dena i nadu mana i makuru vaziki na. Pata i pui nego God i za dokae kene tepa na poga iri vaidoko midiki ze kovo tabo tabo ne, iato i koego rani ne.

Iburu 9:3

Mana taramuzina kameka poga lavata ne, i koe varuana kova, iri vitoṉo ze, “Kova i lete tabo sivala.”

Iburu 9:8

Loborona to zuka dena, Spirit tabo ne i lete vatatavata velake, zuka i keba za go, kova i lete tabo sivala go iara kaebo papaqa, tanego pade bana iri pala zazao ne go iara degere so.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Jon 4:2

Ramu tamuna gata rove ze so seko ia basoe, ṉalu iri pala ogote go Spirit ia God. Ṉalu basoe igo Jesu Kristo i lama podo basoe gere so tokama qita ita vano basoe, ria tonae iri toṉove go Spirit ia God.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.