Iburu 10:14 - Vato Vari Vakameka Voru Ia Batu Ne

¹⁴ Minena so kameka ṉalui komakoma ne tanuna, Kristo iva totoloṉo qira osina ṉalu basoero iri dalo bana ego vasakata pata ro ria.

Iburu 10:14 ပူးပေါင်းရင်းမြစ်များ

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 26:13

Torana kikinaka na era qa goe loborona zuka ne, batu velaka, era qa mia kameka tatavata i sivala ne damara na saṉa ne, i reqe me tepa toba ne, i lama liqutu ava era, mana ria basoero qi kameka zaza go.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Kameka Korinti 1:2

Qaru karo zatu seko kula raru de qamu koego ramu basoero na eklesia ia God qamu koego Korint. God i koru qamu go tamuna basoe tavine ia, mana i va tabo bana qamu loborona vari vakameka de ikoego Jesu Kristo, vari vakameka napu e de koe osiqira basoero na soso dia ro iri va Batua go Batu Jesu Kristo ni Batu ria mana ita napu go.

Epesus 5:26

go eklesia ne tina tabo go. Ia iva vorua eklesia ne, ṉalu i saboro ze ia loborona besi mana i sine vasadake go seko ro ia.

Iburu 10:1

Tamana ro ia Mosese, iki dudule ogoto na kaega pata ogoto ro i ko go, i gere so dudule na pata velaka ro tinara sadaka me. Kameka ado na so komakoma iri zazu nego osina ave, iago ava tina go tane Tamana na de go komakoma ro dena tina vatotoloṉo lupo qira go basoero iri lamae de i koe God na?

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 10:12

Do Kristo i zazu neso kameka komakoma, mana komakoma ia dena i koe karaputa go tina vatalupase go vasakata pata mana taramuzina nae ia i za kolokue tepa karisi matauna God.

Iburu 13:12

Gerena napu so, Jesu i le taramuzina komala lavata ne, go tina vadalo qirae basoero ne parasana tanuna.

Iburu 2:11

Basoero iri vasakata pata go iva dalo qira, iago Jesu mana ria i vadalo qirae go vasakata pata ne i kameka so Tamaqira. Iato go Jesu iki agava ne kaega koru qira e togaquro ba kaequro.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.