Iburu 1:14 - Vato Vari Vakameka Voru Ia Batu Ne

¹⁴ Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 1:14 ပူးပေါင်းရင်းမြစ်များ

Matiu 1:20

Josepo i vanama neto tina kasi ne Maria, do aqelo ia Batu ne i lama sadake de ikoego ia loborona kukureka, i sine ne ia, “Josepo sale ia Davita, oniki sareki, lulua Maria i qole ogoto aro, tanego sale i kakate go nae, i zazu ia Spirit tabo.

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 2:13

Taramuzina vano tarove iri zaza, aqelo ia Batu ne i lama sadake Josepo loborona kukureka, mana i sine ne ia, “Dogara! Pala sale nae, mana sinana paqa za Izipito go. Za koe nae go na doka so ṉalu tuna sine napu nigo era, tanego Erode i nanao tina taqia sale nae mana vae vale igo.”

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 4:11

Gonae Satana i kasine Jesu, mana aqeloro iri lama tavise Jesu.

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Luka 1:19

Aqelo ne i vataule igo, “Era to Qaprel, qa degere tarakenaqa na God, ituri nava era tuna seko tabe go aro, mana sine nigo aro tarama velake dena.

Luka 1:23

Ṉalu i valupo to zazu ia loborona Pade Lotu ne, Zakaria i gado ule zato komala ia.

Luka 16:22

Ṉalu valeke situ dena i le, aqelo ro iri lama sua ia mana iri vakoluku ze rikisina Abra-am tepa rani ne. Valeke vavagado ne i le, mana iri za vou ia,

Luka 2:13

Iki umata so kaega, topu ria aqelo ro na rani ne iri lulu ne aqelo ne, iri kera vazaka God.

Luka 2:9

Aqelo ia Batu ne, ilama sadaka qira mana tatavata ia Batu ne i lama damara qira, mana iri lete sareki.

Zazu Ria Apostoloro 11:22

Tarama na pataro dena idokae de iri koego vano lotu iri koe go Jerusalema. Iago iri turi vazao ze Banabasi komala Antiok.

Zazu Ria Apostoloro 12:23

Goso nae, aqelo ia Batu ne, i lama vae va mokose ia, tanego iki va mazale kaega God. Dodole ro iri ge loborona sopana mana ile.

Zazu Ria Apostoloro 12:7

Goso nae kaki aqelo ia Batu ne, i za degere de gogo ne, mana tatavata i damara e kova ne. Aqelo ne i vizu zeqe avarana Pita mana, iva dogare ia, i sine ne, “Katikili! Degere!” iki rove so kaega ia, karua seni iri qolo zego ia i talupase karua karisina.

Zazu Ria Apostoloro 13:2

Ṉalu iri vazaka God mana iri qaniqani go, Spirit tabo ne i sine ne qira, “Muna taru vakakavata qiru Banabasi mana Sol, go tiruna zazu nego zazu qa koru qirue go era.”

Zazu Ria Apostoloro 16:26

Goso nae kameka nunu lavata i lama nasua kutamana bara ne, katikili so osina siporaṉa na bara ne i papaqa lupo mana seni iri qolo ze go makeqira vano iri koego bara ne i talupasa lupo.

Zazu Ria Apostoloro 27:23

Tanego kuse ne aqelo ia God ia qa vazaka go era ilama de qa koe go.

Zazu Ria Apostoloro 5:19

Do kuse nae, aqelo ia Batu ne i za papaqa siporaṉa na bara ne, ilulu vasiporo qira apostoloro mana i sine ne qira,

Leta Ia Pol I Karo Ne Qira Basoero Na Rom 11:14

Kadigo era qa va qora qira basoero na sinaqe era tanuqu sau qamu ramu, ianae ne era qa soko go kakia ro ria mara vakavele qira God qa go.

Leta Ia Pol I Karo Ne Qira Basoero Na Rom 13:6

Iato nae tanego qamu volia go takisi ramu. Tanego vano batu ro nae iri zazu ne sauna God ṉalu iri zazu ne go miasoka qamu ramu.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 15:27

Nanao ria dena ireqeme so de iri koego tanuqira, go iri zazu ne go pata dena. Do itora to, tanego vano situ iri koe go Jerusalema iri tavisi bana ne qira ria. Tanego vano Jiu iri teke kenaqa bana ne qira vano iriki Jiu go kaega pata velaka go tina vamaokolo qira go. Iago vano iriki Jiu go kaega iri tekene ne qira ria pata tina tavisi ne qira go ria pua dena.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Karua Korinti 9:12

Sauna zazu qamu zazu nego iki sauqira so kaega basoero situ ia God, do itavisi napu ne qira kerone basoero tarina seko velaka ne de ikoego God.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Qalesia 3:7

Iago ramu muna mia rove to. Vano iri vaogoto go ria to salero ia Abra-am.

Qalesia 3:9

Abra-am i vaogote God, mana God i va makaole ia, gerena napu so osiqira basoero iri vaogote go ia iri pala makaolo gerena Abra-am.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Pilipae 2:17

Vaogoto raramu de ikoego God, i gere kaki sosovolomo ramu, qata teke zaqe go God. Ṉalu tara vae vale ava era, mana parasaqu tara tazele mana palua sosovolomo ramu, ṉalu nae era tu kula mana tuna kena ze kula era de qamu koego osiqamu go.

Pilipae 2:25

Era qa nanao itora tuna turi vaule zatu vakitaka ita Epaparoditus, qamu va lame ze de qa koego era, go i zazu tavisi ava, mana i varitara tavisi ava go dena.

Karua Tesalonika 1:7

God tina valupo vokara na kimata qamu pala go ramu mana remu ninidena, ia tina zazu ne ia dena, ṉalu Batu ita Jesu Kristo tina za qoqoro me tepa rani ne, mana tina lulu qira me aqelo mazala ro ia,

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 10:11

Osina musaqara patere ro ria vano Jiu iri zazu ne zazu patere ro ria, iri soso ne kameka ado na so komakoma, do komakoma ro dena iki vatalupase kaega vasakata pata.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Iburu 6:17

God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Iburu 8:6

Do ninidena, Jesu i pala zazu patere i lete sivala ne zazu ria kero ne patere ro, gere so vari toqe velaka i vanama ze vari lobori qiru God mana basoe, tanego i nadu eso pui na pata i velaka go.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Pita 1:4

Ianae go ita qata vatarakenaqa ne za qe palana vavagado na makaolo ia God i soti ne qira go basoero ia. Vavagado nae i soti ne qamue rani ne, de iki mazala kaega za sakata ena mana za kaega ena go.

Kameka Pita 3:7

I gerena napu so ramu valeke ro busi, too ramu de iri koego qole ro ramu, ramu muna mia rove qira qolero, tokama qira iki karaputa gere qamu kaega ramu. Iago muna va velaka ne qira, tanego ria tarina pala tavisi qamue ramu sosovolono na too ia God. Ṉalu qamu zazu ne ia dena kaega kaki pata tina sida me zego pepene ramu.

Judi 1:14

Inoke i vaonomona to basoe ireqe mego tapoko ia Adamo, i sine bana me seko dena de iri koe go ria igo, “Muna mia! Batu ne tina lulu me qira mao na aqelo tabo ia

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.