Epesus 6:8 - Vato Vari Vakameka Voru Ia Batu Ne

⁸ Muna nanao tarua, Batu ne tinara teke ne qira voli basoero iri zazu velaka go, patavolomo i basoe seka ba basoe talukasa.

Epesus 6:8 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 20:7

Iri vataule iri go, ‘Tanego i kaega soka basoe i sine ne qemu ka zazu ia.’ Gonae valeke ne i sine ne qira, ‘Lama mana za zazue barue era go.’

Matiu 5:12

Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Matiu 6:1

Jesu igo napu dena, “Vatovato velaka ro qamu zazu ne ze dekoe God, kasi vasadaka ze de in koego basoero ne sauna go mara mia pata qamu zazu ne go. Ṉalu qamu zazune vatovato igogo ne God Tamaqamu ikoego rani ne tiniki voli qamu kaega.

Matiu 6:4

Sosovolomo aro mara pipika do Tamaqamu i mia go osina pataro qamu zazu pipika ne ṉara voli qamu.”

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Karua Korinti 5:10

Do osiqita tatana sadaka e tarakenaqana Kristo ṉalu tina zazu nego vivine ia. Ia tina vine too ita, mana tina teke ne qita voli ba kimata i tora go pataro qata zazu nego, Kristo tina zazu ne iadena, sauna osina zazu velaka ba zazu sakata ro qata zazu nego, ara too qata vaego pua dena.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Kolosia 3:25

Mana vano iri zazu ne vatovato sakata, tarina pala napua so volina dego vatovato sakata ro ria, tanego God loborona vivine ia, i vari pada ne so osina pata.

Iburu 10:35

Iago, kasi memelaka, tanego ṉalu qamu pala tarua karaputa nae, God tina teke ne qamu voli lavata.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.