Epesus 6:23 - Vato Vari Vakameka Voru Ia Batu Ne

²³ Go God Tamaqita mana Batu ita Jesu Kristo mara riru teke ne qamu ramu turaquro qamu lulu go vatovato ia Kristo, bule, mana mamaligara i palua go vaogoto.

Epesus 6:23 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 15:33

Iago, era qa pene God ireqeme too bulebule qata pala go mara kotavisi qamu osina ṉalu topuro ne. Amen.

Kameka Korinti 1:3

Go God Tamaqita mana Batu ita Jesu Kristo mara teke ne qamu Mana, mana dalo ia.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Qalesia 6:16

Sauqira ria iri lulua go vatovato dena, qa pene God go mara teke ne qira bule mana manava ia, go mara kotavisi qira mana osiqira basoero ia God go.

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Karua Tesalonika 3:16

Qa pene Batu ita, tanuna i kutama ne go bule mara teke ne qamu bule osina ṉalu, loborona topu na zukazuka ro go. Batu ne mara kotavisi qamu osiqamu.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.

Kameka Timoti 1:3

Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.

Kameka Timoti 5:8

Tanego ka basoe iki tavisi ne qira kaega basoero na sinaqe ia ba vanovano ia gogo ne, i vasadake i vana ne vaogoto ia. Too ia i lete sakata sivala ne qira basoero iriki vaogote go kaega God.

Kameka Pita 5:14

Muna vari kulae napu tanuqamu loborona mamaligara ia Kristo, go bule ia mara ko tavisi qamu osina ṉalu.

Kapisa Jon 1:14

Qa nanao tuna garetu katikili mana ara vapepeu go tanuqu.

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.