Epesus 6:20 - Vato Vari Vakameka Voru Ia Batu Ne

²⁰ Sauna to Tarama Velaka dena God ituri nava era, go tuna seko ne ia, mana ninidena era qa koe to bara ne. Iago muna pene God go mara vakaraputava, go ma kasi sareki ne seko ne na Tarama Velaka de, de qa mazala go sine na.

Epesus 6:20 ပူးပေါင်းရင်းမြစ်များ

Zazu Ria Apostoloro 21:33

Batu ria vano soldia izae de ikoego Pol i za pala tarua, mana i sine ne qira vano soldia ro go mara qolo ze karua seni. Gonae i tana ne qira basoero ne, “Akena tane valeke dena, mana avana tane i zazu ne go.”

Zazu Ria Apostoloro 26:29

Pol ivataule igo “Patavolomo ṉalu pusi ba ṉalu loda.” “Pepene era de ikoego God, aro mana osiqamu to ramu qamu gata va era ninidena, kadego tamunara gere ava era, qa vaogoto go, do era qaki soko kaega tarina qolo qamu e seni, gere ava era iri qolo ve go seni dena.”

Zazu Ria Apostoloro 28:20

Iato dena tane pataro go qa soko go ma mia qamu e, mana seko tabe qamu e ramu. Iato go, era qa qolo ego seni dena, tanego i sauna to Jesu iato iri taru ze go ruruqe ria vano Izirel.”

Zazu Ria Apostoloro 28:31

I tarama ne Too ikoego vari miasoka ia God mana i vari vatatana ne sauna Batu Jesu Kristo, i seko va karaputa ne mana kaega ka basoe iara va noto ze go ia sauna tamana ne na too ikoe go vari miasoka ia God.

Zazu Ria Apostoloro 5:29

Pita mana kero ne apostoloro ne iri vataule, iri go, “Remu timuna vaogote so God, basoe kaega.

Karua Korinti 3:12

Tanego remu i kone qemu ruqe de, iago remu qi seko ne so tarama velaka ia Batu ne.

Karua Korinti 5:20

Iago remu, qi seko ne Kristo, do tanuna God i vazazu qemu remu. Loborona vatovato ia Kristo remu qi pene gamu ramu basoero qamu kana bana ne God, muna vamao ne ia mara itane too ramu, go tamuna vakitaka ro ia.

Epesus 3:1

Sauna to pata dena iri taruve go era bara ne, tanego qa keia Jesu Kristo, mana sauqamu ramu vano qamuki Jiu go kaega, qa pene ne qamue God.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 6:19

Mana muna pene napu nava era go God mara teke nava pata tuna sine go ṉalu na vanama ne go seko, go era tuna seko vakaraputa mana vasadaka vavelaka seko pipika ogotona Tarama Velaka ne.

Pilipae 1:20

Soko era mana ruruqe ogoto ia puṉuqu, era tuniki vana ne kaega zazu era ninidena, mana qa soko napua karaputa gere na to ninidena qa koego bara ne. Osina too era mara sadaka me mazala ia Kristo, ṉalu era tuna too ba tuna le.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Kolosia 4:3

Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Kolosia 4:4

Pene de koe God, go era qa mazala seko vatatavata ne na tarama ia Kristo, tanego ia igogo ne to, tuna zazu ne go era.

Kameka Tesalonika 2:2

Ramu qamu rove bana ko qivae go remu komala Pilipae tarakenaqana go qimu ara garetue go Tesalonika, basoero ne iri vasakata qemu, mana seko sakata qamu go, do God remu iteke ne qemu nanao karaputa go timuna garetu sine vasadaka ne qamu ramu Tarama Velaka ia.

Karua Timoti 1:16

Era qa pene Batu ne, go mara nanao ule mana manava ne Onesiporosi mana vano pade ia, tanego topu na ṉalu i tavisi nava mana i vakula va era go. Mana iki agava nava kaega patavolomo era qa koe bara ne.

Karua Timoti 2:9

Iato tarama nae qa vari vatatana ne era tane iri doki vego seni iri va gere ve basoe vatovato sakata. Do i makuru qira qolo ze seni seko ia God,

Pilimon 1:10

Iago era qa pene go aro, sauna Onisimusi, ia i sale ogoto era loborona de koe Kristo; torana ko qa vae bara ne qa vatatana ze ia vaogoto na Kristo, iago Onisimusi i gere to sale era.

Pilimon 1:9

Do tanego era qa lete mamaligara nigo, qa pene go aro. Era Pol qa sine vasadake seko ia Kristo tane qa pene go aro, mana torana ninidena, era qa koe bara ne tanego qa vaogote Jesu.

Kameka Jon 3:16

Go tatana rove go ita zazaona mamaligara, Kristo iteke ne qita too ia tanuna. Iago, ita itora mata teke napu ne qira turaqitaro too ita tanuqita.

Judi 1:3

Ramu turaquro, qa lete soko karo ne qamu ramu kameka leta sauna vari vakavele qata vari pala ne go. Do ninidena to qa nanao lulusu zaqe to, itora to era ma karo ne qamu leta dena, go ma sine va karaputa ne qamu go muna varitara moqere ne, bara ne na vaogoto qamu pala bana go. Kameka ṉalu so God ivalame ne qira go basoe ia, vaogoto dena iato iko osina ṉalu topu ro ne.