Epesus 6:12 - Vato Vari Vakameka Voru Ia Batu Ne

¹² Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Epesus 6:12 ပူးပေါင်းရင်းမြစ်များ

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Maka 4:19

do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego.

Luka 13:24

“Ramu muna lete pada ne keba za na siporaṉa suka nae, tanego topu ria iri pada ne, do tina makuru qira keba za na loboro.

Luka 22:53

Era qako tavisi qamue ramu loborona Pade Lotu ne nogotona musaqara, do qamuki nanao kaega palava era. Do ṉalu ramu to dena, tanego i kenaqa ne qamu karaputa ia rodoko.”

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 8:38

Tanego era qa lete vaogote to, i kaega to kaki pata tina vakuziki ne qitae go ita mamaligara ia God. Patavolomo aqeloro ba kaki karaputa napu iri ko ṉalu ninidena, mana tarakenaqa i kome go.

Kameka Korinti 15:50

Vakitaka ro era, iato dena talupasa na seko era, tokama qita i ko go manu na mana parasana, i makuru tina zae go de ikoego vari miasoka ia God, pata i le go i makuru tinara pala too.

Karua Korinti 11:14

Iago iki pata vari vanureke kaega, tanuna Satana i mazala so vamimia gere ze tanuna agelo na tatavata.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Qalesia 1:16

i vasadaka nava Sale ia, go era tuna tarama ne go Tarama Velaka ia de iri koego vano iriki Jiu go kaega. Zazu era dena qaki taqi ze kaega kaki basoe go tina vatatanava go,

Epesus 1:21

Kristo i zakoe rani ne, mana i Batu sivala ne qira osiqira aqeloro mana osina karaputana zakazaka ne, mana vitoṉona Kristo i lete sivala ne osina to vitoṉo i ko go karaputa na, iri koego vudu pua ninidena, mana vudu tinara za lama go.

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Kolosia 2:15

Mana koluse nae ne, Kristo i lukasa ze tanuna de koe karaputa ro ria vano lavata ro mana vano kena kenaqa ro ia Satana. Ia i va agava qira e ria tarakenaqa qira basoero ne ṉalu i vaqoqoro qira go.

Karua Timoti 2:5

Mana basoe i teteṉe tavise go varivose ne, i makuru tina pala sasarapana, ṉalu iki lulua go kaega tamana.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 12:4

Degere vanadu mana bara ne tanuqamu tepa ia vasakata pata, tanego i kaega ka basoe i le ne go varitara nae.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.