Epesus 6:10 - Vato Vari Vakameka Voru Ia Batu Ne

¹⁰ Kameka pata napu, ramu muna degere vakaraputae loborona ko kameka ramu de ikoego Batu ne, sauna karaputa varavarana ia.

Epesus 6:10 ပူးပေါင်းရင်းမြစ်များ

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Epesus 1:19

Mana de igogo ia, do ilete karaputa sivala zazu ia de gata koego ita qata vaogoto go. Karaputa ivazazu ze go de qata koego ita i varipada so karaputana mazala,

Epesus 3:16

Qa pene God iko ne go karaputa, go Spirit ia mara valame ne qita karaputa go mara vamoqere too ita.

Pilipae 3:1

Valupolupo na turaquroe! Muna ko kulakula, loborona vari vakameka ramu de ikoego Batu ne. Era tuna sine patu napua so, pataro qa karo bana ne qamu go, mana go tiniki doka qamu go kaega kaki pata makuru.

Pilipae 4:13

I konava karaputa go tuna vatabali zego osina too ro dena, loborona moqere iteke nava go Kristo.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Karua Timoti 2:1

Sale era, ono karaputae loborona Mana i ke ita go loborona vari vakameka ita de ikoego Jesu Kristo.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Kameka Pita 3:8

Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 2:14

Qa karo ne qamu salero era, tanego qamu rove velake God Tamaqi-ta. Qa karo ne qamu kazigarataro, tanego qamu rove ia iko bana me so kokosona me. Qa karo ne qamu vano voru, tanego qamu karaputa, mana seko ia God itoo e loboro qamu, mana qamu vaqoqore vatovato sakataro ia Satana go.