Epesus 5:8 - Vato Vari Vakameka Voru Ia Batu Ne

⁸ De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Epesus 5:8 ပူးပေါင်းရင်းမြစ်များ

Matiu 3:8

Muna zazu ne pataro go i mazala vasadake na, go ramu qamu manava sakata ne vasakata pataro ramu.

Matiu 4:16

Ria basoero iri koe loborona rodoko tarinara mia tatavata lavata. Ria iri koe loborona pua rodoko iri koe go vano iri le go, tatavata tinara damare de iri koego.”

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 16:8

Taramuzina nae batu ia valeke tatakiu ne, i vazaka ia, tanego i tarove ne zazu na pataro igogo ne. Tanego basoero na pua dena iri rove dego miasoka na pata vavagado ro ria, iri sivala ne qira basoero iri koego tatavata.”

Tarama Velaka Ia Jesu Kristo I Karo Go Jon 1:9

Iato dena tatavata ogoto, tatavata i lama ego kolabana pua ne mana i damara qira osiqira basoero ne.

Tarama Velaka Ia Jesu Kristo I Karo Go Jon 12:35

Jesu i vataule, ne qira igo, “Tiniki lete umata kaega tatavata dena tina ko tavisi qamu, iago zaza e loborona tatavata nae torana iara ko tavisi qamu go, go rodoko tiniki pala qamu kaega. Tanego ka basoe i zaza ego loborona rodoko ne, iki rove kaega de i vele zae go.

Tarama Velaka Ia Jesu Kristo I Karo Go Jon 12:36

Muna vaogote tatavata nae, torana iara ko tavisi qamu go, go tamuna basobasoero na tatavata.” Taramuzina i sine lupo seko ro dena, Jesu i za pipika tanuna de iri koego basoero ne.

Tarama Velaka Ia Jesu Kristo I Karo Go Jon 12:46

Era qa lamae kolobana pua dena gerena tatavata, go osiqira basoero iri vaogoto ava era, tariniki koe kaega rodoko.

Tarama Velaka Ia Jesu Kristo I Karo Go Jon 8:12

Jesu i seko e de iri koego basoero ne, igo de, “Era to qa tatavatana kolabana pua ne, ka basoe i luluava era, ia tina toṉove tatavata na too, mana tiniki ara koe kaega rodoko go.”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 1:21

Iri rove ria tane God, do iri kasi qira so va batu na, mana i kaega ne qira so seko velaka na ia. Nanao qira i kaega so kaki pata velaka ikoego. Mana kuzuku qira i kokoba i purake so too rodoko ro ne.

Leta Ia Pol I Karo Ne Qira Basoero Na Rom 13:12

Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Leta Ia Pol I Karo Ne Qira Basoero Na Rom 2:19

Ramu qamu nanao qamu mazala kenaqa ne qira vano iri ko gere qira vano kodo ne, mana ramu qamu gere go pazi tina tatavata ne qira go vano iri koego rodoko ne.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Karua Korinti 6:14

Kasi pada ne na vakameka ne qira vano iriki vaogoto go kaega, tanego i makuru qamu tamuna zazu va kameka. Ava tina go velaka mana sakata tiruna kameka zazu go? Ava tina go tatavata mana rodoko tiruna kameka lama go?

Qalesia 5:25

Spirit tabo iteke bana ne qita too, iago Spirit tabo mara kenaqa ne go too ita.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 4:18

Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Epesus 6:12

Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.