Epesus 5:6 - Vato Vari Vakameka Voru Ia Batu Ne

⁶ Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Epesus 5:6 ပူးပေါင်းရင်းမြစ်များ

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 24:4

Jesu i vataule ne qira, “Muna miasoka, niki poqe qamu basoero.

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Maka 13:5

Jesu i sine qira, “Muna miasoka mara kasi vaqalo qamu.

Leta Ia Pol I Karo Ne Qira Basoero Na Rom 1:18

Muma ia God i vasadaka me ze rani ne, go tina vakimata qira basoero iri zazu ne go vatovato sakata go iri vasakata pata go mana vatovato sakata ro dena i midiki ne ogotia God tina sadakae go de iri koe go basoero ne.

Kolosia 2:18

Kakiaro basoero iri vazakanapu ne pataro iri mia ze go loborona pata vavagazama, i sadaka qira iri vatatana qirae basoero tarina vaqoqore tanuqira mana vazaka qira aqeloro ne, iri go. Kasi toqe ne na basoe go tina vatovato nigo. Nanao na basoe igogo nae, i vazakanapu neso pata na vudu pua dena.

Kolosia 2:4

Ma sine ne qamu, kasi vamalumu ne na kaki basoe go mara va bulaṉoi qamue e seko poqepoqe ro.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Kolosia 3:6

Tanego sauna to pataro igogo ne, muma ia God tina lama e, de iri koego ria iriki vaogote go kaega ia.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.

Iburu 3:19

Iago ita qata rove i makuru qira tarina keba za pua igogo ne, tanego iriki vaogote go kaega God.

Kameka Pita 2:8

Mana kaki dia napu Buka tabo ne igo, “Iato ipaka de to tina tabatupara ne qira basoero ne, mana vasoru qira.” Tanego iriki vaogote kaega seko ia God. Iago God irove bana, ria tariniki vaogote kaega ia.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.