Epesus 5:4 - Vato Vari Vakameka Voru Ia Batu Ne

⁴ Iki tora kaega ramu muna sine go kaki seko sakata, ba seko qiso i sakata go gata na, do pata muna zazu ne go muna seko velaka zaqe God.

Epesus 5:4 ပူးပေါင်းရင်းမြစ်များ

Maka 7:22

taunata, sokona pala na osina pata, mana zazu nena soso pata sakataro, poqe, zazu ne na ba sine vasadake na pata ni lete sakata sivala go, qora, pepeu valu na basoe vazakanapu mana zazu nena pata ni lulua go too bulabulaṉoe.

Tarama Velaka Ia Jesu Kristo I Karo Go Jon 6:23

Do kakiaro napu mola iri reqe me Taberiasi iri lama dokae de i seko velaka ze go God Batu ne bureri, i va ṉaṉa qirae go basoero ne zako na ne,

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Karua Korinti 1:11

Gerena ramu qamu tavisi ne qemue, loborona pepene ramu, osina pepene ro ita God tina gata me, mana God tina va tabo qita, mana topu ria basoero tarina seko velake God, sauqemu remu.

Karua Korinti 9:15

Mata seko velaka zaqe God sauna sosovolomo ro ia de qata koego, sosovolomo ro imakuru go sine lupase na.

Epesus 1:16

era qaki mamanava kaega seko velaka na de ikoe go God sauqamu ramu. Era qa nanaotaru qamue so ramu loborona pene era.

Epesus 4:29

Ṉalu qamu seko go, kasi sine ne seko sakata ro. Do muna sine pataro tina soko go basoero ne, mana pataro tina vakaraputa qira basoero go. Seko velaka ro nae iri mazala soba ze na makaolo vano iri gata go.

Pilipae 4:6

Kasi nanao vokara ne kaki pata, do loborona pepene ramu, pene ze God pata qamu lete soko go. Osina ṉalu qamu pepene go, muna seko velaka ne ia loborona puṉuqamu.

Kolosia 3:8

Do ninidena muna pala vakuziki ne osina pataro dena, muma, nanao vari va sasakatae. Kasi seko vasakate na kene basoe, ba kasi va siporo ze saqe mu seko ni damu go.

Kameka Tesalonika 3:9

Ninidena remu qimu seko velake God sauqamu ramu. Qimu seko velake ia sauna kula qimu pala qamue go ramu tarakenaqana ia.

Kameka Tesalonika 5:18

Muna seko velaka zaqe God sauna osina pata ro i doka go osina ṉalu. Ia to nae pata i soko qamue go God, loborona too qamu vari vakamekae de ikoego Jesu Kristo.

Pilimon 1:8

Igo nae iago, era vakitaka aro loborona Kristo, qaki sareki ne kaega vagaretu na seko vakaraputa era, go tuna tamana nigo aro sauna pata tono zazu ne.

Iburu 13:15

Iago ita mata vazaka tarua God, gerena komakoma ita de ikoego Jesu, mata vasadake ia i Batu ita, mata sine vasadaka ze pepesu qita go.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Karua Pita 2:7

Ia i vakavele Lote, kameka valeke totoloṉo tanego Lote iki kula ne kaega vatovato sakata ro ria basoero ne.

Judi 1:10

Do basoero dena iri seko sakate so pataro iriki rove velake go kaega. Do pata ro iri rove go ria ne, iato pataro iri zazu ne go so pata qaraqara ro ne. Iago pataro nae to ivasakata qira go ria.

Judi 1:13

Ria basoero igogo dena too vari va agava iri zazu ne go, iri gere so oba zavarata isasapa i za pala me soso sinaqe na uzaka ro mana lama taru ze rikisi go. Iri gere domiri ro iri kasi ne de koko ria gonae God itaru qira qe kaki dia i rodoko tarina koe go osina ṉalu.