Epesus 5:3 - Vato Vari Vakameka Voru Ia Batu Ne

³ Ramu qamu basoero ogoto ia to God, iago iki tora kaega ramu muna poro pepeua go pata sakataro gerena, varivagabu ba zazu nena vatovato iri gere go too ria pata qaraqara ro, mana sokona pala na patapata ro ria basoero ne.

Epesus 5:3 ပူးပေါင်းရင်းမြစ်များ

Matiu 15:19

Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 16:14

Ṉalu vano Parisio iri gata pataro dena, iri vakari ne Jesu, tanego iri mamaligara ne kesa.

Zazu Ria Apostoloro 15:20

Do ita mata karo kameka leta, sine ne qira mara ria kasi gena pata gege iri tavatavara ze go god poqepoqe ro ne, i tabo ego lotu. Mana kasi vari vagabu, mana kasi gena pata pupuara iri poṉo go saqena mana parasa go.

Zazu Ria Apostoloro 20:33

Era qaki soko kaega tuna pala ze kaki basoe siliva, qolu ba poga.

Leta Ia Pol I Karo Ne Qira Basoero Na Rom 1:29

Iago nanao qira ne i purake to soso adoado na vatovato sakata ro. Iri le ne pala na patapata ria basoero ne. Iri vasakata qira basoero ne, iri poro misi, iri vae vale basoe, iri varitara iri muma ne qira basoero ne, mana iri poro pepeu valu qira basoero ne go.

Leta Ia Pol I Karo Ne Qira Basoero Na Rom 16:2

Muna vakitaka ze ia loborona vitoṉona Batu ne gerena basoero ia God itora go tarina zazu ne go. Muna teke ne ia ka tavisi isoko zego de qamu koe go. Tanego ia i tavisi velaka ne qira basoero ne, mana i tavisi napu nava era go.

Leta Ia Pol I Karo Ne Qira Basoero Na Rom 6:13

Mana kasi ara va malumu nena kaki takoborona tokama qamu go tamuna lulua go vatovato sakata. Do muna teke lupo ne God too ramu, mana gere qira basoero iri le bana, go God i vatoo napu qira go. Muna teke lupo ze too ramu de i koe ia, go ia mara vazazu qamue ramu too totoloṉo.

Kameka Korinti 10:8

Ita mata kasi sorue na vari vagabu gere qira kakiaro ria iri zazu ne go. Mana karabete kapisa mao ria iri kameka le so kameka ṉalu.

Kameka Korinti 5:1

Aria era qa gata kaki kameka basoe i koe de qamu koego, i zazu ne too vari vagabu, patavolomo vano iriki vaogote go kaega God do, iri agava ne zazu too vari vagabu igogo ne. Era qa gata basoe ni gogo ne i poro kamuku tavise qole muzi ia tamana.

Kameka Korinti 6:13

Kaki basoe napu tina mazala so sine na, “Pata gege i pata na kuaba, mana kuaba ne i pata roku na pata gege,” oveto, do God tina valupo qiru karua pata nae. Tokamana basoe iki pata vazazu na kaega zazu sakata ro, do tokama ne, na vazaka mana osaka ze Batu ne, tanego Batu ne tane i teke ne qita go tokama ne.

Kameka Korinti 6:18

Kasi zazu ne na vari vagabu. Kero ne vasakata pata i zazu ne kaki basoe iki vasakate kaega tokama, do basoero iri vari vagabu go tanuqira ria nae iri lete vasakate tokama qira.

Karua Korinti 12:21

Era qaki soko kaega miana pata i sadaka bana go tina sadaka napue go nae, qaki soko kaega God era tina va agava ve era tarakenaqa qamu ramu, qaki soko kaega dae, tanego i sauqira osiqira basoero iri poro zazu neso kameka atona vasakata pata iri zazu nego ṉalu bana ne, iriki nanao ule ne so kaega sauna zazu sakata ria, vari vagabu mana kero ne vatovato sakata go.

Epesus 5:12

Iva agava napu qita so tane ṉalu qata pepeua go pataro iri zazu pipika ne go basoero ne.

Epesus 5:5

Qamu rove bana ramu, basoero iri varivagabu go mana zazu ne pata sakata ro napu gogo ne, basoero nae i kaega ne qira ka de koko too de ikoego vari miasoka ia Kristo mana God go. Gere napu qira so vano iri qora ne patapata ro ria basoero ne. Basoe igogo nae too ia, i vazaka god poqepoqe.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Kameka Tesalonika 4:3

God isoko too ramu mara tabo, mana ramu muna ko talukase tepa ia too na vari vagabu.

Kameka Tesalonika 4:7

God iki koru bana qitae kaega ita, too na varivagabu ba taunata. Do ia i koru qita ita tatana va tabo too ita.

Kameka Timoti 2:10

Ba iane, qolero kristiano mara vasadake too, ba vatovato velaka ria gere qira qolero iri pada ne go ko basoe lotu.

Kameka Timoti 3:3

Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Kameka Timoti 6:10

Soko na kesa iato i kutamana go osiqira pata sakataro ne. Kakiaro basoero iri lete le ne vavagado, go iri zaza vakakavata, mana iri va vokara ze nanao qira nanao sakata ro.

Karua Timoti 3:2

Basoero ne tarina nanao so tanuqira mana tarina soko topuna kesa go. Tarina vazakanapu mana kuzuku lavata go. Tarina seko sakata qira basoero mana tarina legulegue de iri koego vanovano ria go. Tariniki sine kaega seko velaka mana tariniki nanao soba kaega God go.

Taetusi 1:11

Ono vanoto vari vatatana poqepoqe ro igogo ne, tanego iri va sakata bana to vaogoto ria kavia ro tatamana ro. Iri vatatana qirae basoero ne pata poqepoqe ro, tanego iri soko so pala na kesa go tina tavisi ne qira.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Taetusi 2:3

Vatatana napu qira qolero kazigarata, go tarina ko gere qole tabo loborona ko ria, mara ria kasi pepeu poqe ne qira basoero ne, mara kasi poro ge loka go, do mara vari vatatana ne pataro ni velaka go,

Iburu 12:16

Kaega ka basoe mara zazu ne zazu sakata ro ba ki nanao vamazale kaega God, gere na Isua ṉalu ia i lete saqo go, i volivoli vakava ze Jekop sosovolomo ia, gere sale valeke kenaqa.

Kameka Pita 5:2

muna miasoka velaka qira basoero ia God i teke ne qamu gerena valeke miasoka sipi i miasoka go sipi ro ia; mana kasi maomao ne na go. Muna zazu velaka ne zazu ro ramu ni soko qamue go God. Kasi nanao naso pala na voli qamu zazu go. Do voli nae tina reqe me to soko ogoto raramu qamu soko go tavisi ne qira go basoero ne.

Karua Pita 2:10

Basoero iri kimata go dena, ria to basoero iri zazu ne go vatovato sakata de ikoego kene basoe, mana iri mia vaqoqore karaputa ia God go. Mana vano vari va tatana poqepoqe ro dena iri vazaka napu, mana iri lulua so nanao ria tanuqira. Iriki nanao vamazale kaega aqelo ro iri koego rani zakazaka ne, mana iri seko va qoqoro qira go.

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.

Revaleson 2:14

Do kavia so pata qaki soko ze kaega de qamu koego ramu ne, kavia ro ramu iri lulua vari vatatana ia propeta Balam. Tanego ṉalu ia propeta Balam to nae i vatatana go batu lavata Balak go i vasoru qirae go vasakata pata vano Izirel, go iri ge go pata gege iri tavatavara ze go banara poqepoqe ro, mana iri zazu ne pata sakataro de iri koego qolero go.

Revaleson 2:21

Era qa teke ne ia ṉalu, go mara vana ne vasakata pataro ia qa go, do iki soko neso kaega vana nena.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.

Revaleson 9:21

Mana iriki mamanava kaega vae vale na basoe, zazu mamaruku, vari va gabu ro, ba sikosiko go.