Epesus 5:26 - Vato Vari Vakameka Voru Ia Batu Ne

²⁶ go eklesia ne tina tabo go. Ia iva vorua eklesia ne, ṉalu i saboro ze ia loborona besi mana i sine vasadake go seko ro ia.

Epesus 5:26 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 13:10

Jesu igo de, “Basoe i seqe bana go, i dalo lupo bana, mana ki ara soko kaega sasaboro go, do makena so tina sabore go. Ramu qamu dalo bana, do kaki kameka ramu iki dalo kaega.”

Tarama Velaka Ia Jesu Kristo I Karo Go Jon 15:3

Ramu qamu dalo banae vari vatatana qa teke bana ne qamu go. Ka paqara iki soma go kaega moki na vino ne i makuru tina ure go. Igo napu so de, ṉalu qamuki ko vanadue kaega de qa koego era, imakuru qamu tamuna ureure go.

Tarama Velaka Ia Jesu Kristo I Karo Go Jon 15:8

Ṉalu ramu qamu ure velaka go, qamu vasadake qamu disipoloro era, mana ṉalu nae karaputa mazala ia Mamae tina va sadaka me.

Tarama Velaka Ia Jesu Kristo I Karo Go Jon 17:7

Mana ninidena iri rove to, osina pata qo teke nava go era ne, i reqe meso deqo koego aro.

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Zazu Ria Apostoloro 22:16

Avigo qo ara piri vaumata go? Degere mana bapitema, go vasakata pata ro aro mara talukasa lupo, ṉalu aro qo pepene e loborona vitoṉo na Batu ne.’ ”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 10:8

Do pata i sine go, igo dena, “Tarama ia God i ko banae to de gamu koe go. Iato ikoego saqe qamu mana loborona puṉu qamu.” Ia to tarama na vaogoto qimu Tamana ne go remu.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Epesus 6:17

Mana muna pala vari vakavele ia God gerena topatopa qamu bara ze go kuzuku qamu. Muna pala seko ia God gerena peqi varitara i teke ne qamu Spirit tabo.

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 10:14

Minena so kameka ṉalui komakoma ne tanuna, Kristo iva totoloṉo qira osina ṉalu basoero iri dalo bana ego vasakata pata ro ria.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 13:12

Gerena napu so, Jesu i le taramuzina komala lavata ne, go tina vadalo qirae basoero ne parasana tanuna.

Iburu 4:12

Seko ia God i koe too mana i zazu go, i lete sivala ne zogotona pegi varitara i zogoto go karua rikisina. I mazala zugu zana loborona de iru vari sobae madau mana spirit, mana de iru vari siba varikama e go uri mana manu go. Seko ia God i mazala vine na nanao ia basoe, mana pataro i soko go basoe go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Karua Pita 1:9

Do basoe i kaega ne too dena loborona too ia, i gere so basoe iki mimia velaka go kaega matana, i nanao kasupe ne to God ni saboro va kuziki bana ne go vasakata pata ro ia.

Kameka Jon 5:6

Jesu Kristo i lama sadaka velake go de qata koego ita, ṉalu ni bapitema ego besi ne, mana parasanani zazakae go ṉalu iri vaevale go ia. Iago iki sadaka velaka eso kaega miki besina bapitema ne, do iri kameka me to parasanani zazakae go ṉalu iri vaevale go. Mana Spirit tabo napu to go i lama vasadaka velaka ne qita go. Tanego Spirit tabo iki rove kaega poqe.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.