Epesus 5:21 - Vato Vari Vakameka Voru Ia Batu Ne

²¹ Loborona vabatu ramu de ikoego Kristo, ramu muna vari vamazalae napu tanuqamu.

Epesus 5:21 ပူးပေါင်းရင်းမြစ်များ

Kameka Korinti 16:16

Qa pene qamu vakitaka ro era, muna lulua vatovato velaka iri zazu ne go basoero gere qira ria de, mana basoero iri zazu tavisi qira go.

Karua Korinti 5:11

Ita qata rove talupasana go qata sareki nego Batu ne, iago remu qi padane toqo qira kerone basoero. God i rove lupo banaso too ita, mana era, qa nanao rove velake, ramu qamu rove velake too era.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Epesus 5:22

Qolero busi muna vamazala qira valekero ramu gerena qamu vamazale go Batu ne.

Epesus 5:24

Iago, qolero busi mara vamazale valekero ria, gerena eklesia i vamazale go Kristo.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Kameka Timoti 2:11

Ṉalu qolero iri pala go varivatatana ria, mara ko duduli mana ko vakapo go.

Kameka Timoti 3:4

Ia tina miasoka velake ko tatamana ia, mana va rove qira salero iago tarina vaogote mana padapadae de ikoego tanuna.

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Kameka Pita 2:13

Vamazala ramu de ikoego Jesu Kristo, ramu muna lulua vatovato i reqe go batu ro na vudu pua dena. Kenaqana de i koego batu lavata Siza, iato i pala go karaputa, i sivala ne qira go osiqira basoero ne.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”