Epesus 5:2 - Vato Vari Vakameka Voru Ia Batu Ne

² Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Epesus 5:2 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Tarama Velaka Ia Jesu Kristo I Karo Go Jon 13:34

Ninidena qa teke ne qamu tamana voru, muna vari mamaligarae gere era qa mamaligara ne qamu go, iago muna vari mamaligarae.

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Leta Ia Pol I Karo Ne Qira Basoero Na Rom 8:37

Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Kameka Korinti 16:14

Osina zazu qamu zazu ne, muna zazu ne ze loborona mamaligara.

Kameka Korinti 5:7

Iago muna vanaqe isti bana na vasakata pata, go tamuna voru vavelaka, ṉalu nae ramu tamuna gere palava robe voru i kaega go isti na. Pata ogoto, ramu qamu dalo bana, tanego God i komakoma bana ne Kristo ia to tunana Sipi na ṉaṉa zaza sivala ne.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Karua Korinti 2:15

Tanego remu qi gere nonoli velaka na insenisi iri komakoma zaqe go Kristo de ikoego God, i zae go de iri koego ria iri kavele mana ria iri rore go.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 3:19

Ove, ramu muna nanao rove lavatana mamaligara ia, i makuru qita go nanao rove lupo na. Iago muna vapuraka totoloṉo ze de qamu koego too totoloṉo ia God.

Epesus 4:15

Do loborona mamaligara ita de iri koego basoero ne, ita mata sine pata ogoto, mana mata podo popokae loborona zuka ia Kristo, iato ikuzuku ne go eklesia.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Epesus 5:15

Iago, muna miasoka de igogo too ramu. Kasi gere qira vano bulabulaṉoe, do muna ko gere qira vano tarove.

Epesus 5:25

Ramu valekero busi, muna mamaligara ne qira qolero ramu, gerena Kristo i mamaligara nego eklesia ne. Iato go i vamao go vae vale na tanuna go tina tavisi ne eklesia ne,

Pilipae 4:18

Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Kolosia 3:14

Mana de go zazu na osina pataro dena muna vasadake mamaligara, iato i qolo vari palu ne qira, mana vakameka velaka ne qira osina pataro dena go.

Kameka Tesalonika 4:9

Era tuniki ara karo ne qamu kaega de igogo tamuna mamaligara ne qira go kero ne vano lotu. Tanego God i varove bana qamue de igogo qamu vari mamaligarae go.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 8:3

Osiqira batu Patere ro i vine qira tarina zazu komakoma mana teke sosovolomo ria de ikoego God. Iago batu Patere ita tina zazu napu ne so sosovolomo ia de ikoego God.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Iburu 9:23

Pataro qatara pepeu lupo zaqe go, i varipadana so patana ro rani ne, tina rupe poka bana ze so parasa go tina dalo go. Do pataro ikoego rani ne, kaki komakoma i lete mazala sivala tane i mazala go vadalo na.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.

Kameka Pita 4:8

Pata i lete lavata sivala go muna lete vari mamaligarae, tanego mamaligara to i mazala go vakuziki nena osina vasakata pataro ramu.

Kameka Jon 3:16

Go tatana rove go ita zazaona mamaligara, Kristo iteke ne qita too ia tanuna. Iago, ita itora mata teke napu ne qira turaqitaro too ita tanuqita.

Kameka Jon 3:23

Tamana ro ia i sine ne qita go igo dena, mata vaogote sale ia Jesu Kristo mana vari mamaligarae napu tanuqita, gere Kristo i sine bana ne qita go.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.