Epesus 5:11 - Vato Vari Vakameka Voru Ia Batu Ne

¹¹ Kasi zazu nena pata volovolomo ro iri zazu ne go basoero ne, tanego pataro nae iri pata sakata na so rodoko. Iago pada ne vasadaka ne qira basoero ne patana tatavata.

Epesus 5:11 ပူးပေါင်းရင်းမြစ်များ

Matiu 18:15

Jesu igo napu dena, “Ṉalu togamu i kebu e deqo koego, zae de ikoego mana vamia ze kebu ro ia. Do buru na zazu vamiki neso tanuqaburu. Ṉalu ia i gata go pataro qo sine go aro, raburu qaburu vari vakameka napu tamakena.

Luka 3:19

Ṉalu nae Jon i karalapase batu lavata Erode, tanego i busia Erodiasi qole ia Pilipi, kaena, mana kakiaro napu vatovato sakata i zazu bana nego.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 13:12

Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Leta Ia Pol I Karo Ne Qira Basoero Na Rom 16:17

Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Leta Ia Pol I Karo Ne Qira Basoero Na Rom 6:21

Ninidena qamu pala to agavana pataro qamu zazu bana ne go. Vatovato nae tina za lupoe so le.

Qalesia 6:8

Ia i leba ze go nanao ia, too na vudu pua dena tina za le. Ba ia i leba ze go too ia Spirit tabo de ikoego, tina za pala ze urena too gado kutona i kaega.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Epesus 5:12

Iva agava napu qita so tane ṉalu qata pepeua go pataro iri zazu pipika ne go basoero ne.

Epesus 5:7

Iago, kasi vakitaka qira basoero igogo nae too ria.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Kameka Tesalonika 5:7

Tanego kuse i ṉalu na to kamuku mana i ṉalu velaka nato ge loka go.

Karua Tesalonika 3:14

Kadigo kakia basoe ikoe nae, tina kasi na luluna seko qimu karo ze go remu, leta qimu vagaretu ne qamu go nae. Ṉalu igogo nae ramu muna mia rove mana kasi gata gabu ne na vatovato ianae, go mara agava ne tanuna vatovato ianae.

Karua Tesalonika 3:6

Ramu turaquro, Remu qimu sine vamazala ne qamu ramu, loborona vitoṉona Batu ita Jesu Kristo, kasi luluna vatovato ria kero ne vano lotu, iri muaka mana iriki lulua kaega seko ro qimu sine bana ne qira go remu.

Kameka Timoti 5:20

Mana ono seko lavate ia de koe tarakenaqa qira basoero ne go, go kero ne basoero tarina sareki napu ne zazu na pata sakataro.

Kameka Timoti 5:22

Oniki nonopa ne, taru ze na karisimu de koe basoe, go mo vatabo, go tina zazu tavise go lotu ne. Kasi zazu tavise na vatovato sakata iri zazu ne go kakiaro basoero, ono ko mana vadalo too aro go.

Kameka Timoti 6:5

iri vari valegu taru so, mana nanao qira iki totoloṉo kaega, iago iriki mia rove kaega pataro i totoloṉo go. Iri nanao ṉalu iri vaogote mana lulua God ria tarina toṉove topuna pata vavagado, iri go.

Karua Timoti 3:5

Tarina gere qira vano lotu, do iriki soko kaega karaputa ia God tina kenaqa ne too ria. Aro ne, oniki tavisi too igogo nae.

Karua Timoti 4:2

ono tarama ne Tarama Velaka ia God, patavolomo basoero ne tariniki soko kaega gata na. Ono lete pada ne va rove qirae basoero ne seko ogoto, ono pada ne vatotoloṉe na vatovato ria, mana ono tavisi ne qira go tarina ko karaputa go. Mana ono va velavelaka ne qira basoero ne, ṉalu tono vari vatatana go.

Taetusi 2:15

Osina ṉalu ono vatatana qira e basoero ne zazao na pataro qa sine go era. Ono vazazua osina to karaputa i ko nigo, go tono vakaraputa go nanao qira, ono seko va moqere ṉalu iriki lulua go kaega vari vatatana aro. Go kaega ka basoe tinara mia vaqoqori go.

Revaleson 18:4

Gonae qa gata kameka ovaṉa i naki me rani ne, igo dena, “Ramu basoero era qamu koego nae, muniki zazu tavisi vasakata pata i zazu ne go, niki go pala tavisi qamu kimata ro nae.