Epesus 4:9 - Vato Vari Vakameka Voru Ia Batu Ne

⁹ Aria, avana tane i talukase go ipopoka za go? Italukase, i qoqoro kenaqa za de ilete sokasoka sivala na vudu pua dena.

Epesus 4:9 ပူးပေါင်းရင်းမြစ်များ

Matiu 12:40

Loborona kapisa musaqara mana kuse Zona i koe loborona sopana kameka iṉana lavata, tina gere napu ava era Tuna basoe, tuna koe loborona pua kapisa musaqara mana kuse go.

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Tarama Velaka Ia Jesu Kristo I Karo Go Jon 3:13

Tanego i kaega ka basoe i za banae go rani ne, do tanuqu so era Tuna basoe qa qoqoro mego tepa rani go.

Tarama Velaka Ia Jesu Kristo I Karo Go Jon 6:33

Tanego bureri i soso nego God iato i qoqoro mego tepa rani ne, mana i tekene too osina basoero na vudu pua dena.”

Tarama Velaka Ia Jesu Kristo I Karo Go Jon 6:38

Tanego era qa qoqoro me tepa rani, go tuna zazu ne pata i soko go iani turi nava go, era tuniki zazu ne kaega pata qa soko go tanuqu.

Tarama Velaka Ia Jesu Kristo I Karo Go Jon 6:41

Pasi nae basoero ne iri vari valegu tanuqira, tanego Jesu igo, “Tanuna tane i bureri reqe mego rani ne.”

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Tarama Velaka Ia Jesu Kristo I Karo Go Jon 6:58

Iato de pata gege i reqe mego rani ne, iki gere kaega ma-ana iri ge bana go vanovano bana ramu, mana iri le go, do ka basoe i ge go bureri dena ia tina too osina ṉalu.”

Tarama Velaka Ia Jesu Kristo I Karo Go Jon 6:62

Ṉalu igogo nae nanao qamu, ava tamuna go ṉalu tamuna mia va era Tuna basoe na popoka ule za go de qa ko banae go?

Tarama Velaka Ia Jesu Kristo I Karo Go Jon 8:14

Do Jesu igo, “Patavolomo tane qa sine vasadake de qa gogo tanuqu, do pata qa sine go i pata ogoto, tanego qa rove de qa reqe me, mana de qa vele zae go.

Iburu 2:7

Desuka so ṉalu qo taru ze ia pola qira aqelo ro, do ninidena qo vazakazaka vitoṉona mana qo teke ia karaputa mazala aro,

Iburu 2:9

Do ita qata mia Jesu, iato Jesu dena God i taru ze ia pola qira aqelo ro desuka so ṉalu, go ia loborona manava ia God, ia tina le sauqira osiqira basoero. Ninidena qata mia ia God i vazakazaka vitoṉona mana i teke ia karaputa mazala ia, tanego i sauna to le i vokara ne go.