Epesus 4:32 - Vato Vari Vakameka Voru Ia Batu Ne

³² Do muna vari nanao, mana varimanavae tanuqamu loborona puṉuqamu. Muna vari nanao ule tanuqamu gerena God i nanao ule bana ne qamue ramu, de koego Kristo.

Epesus 4:32 ပူးပေါင်းရင်းမြစ်များ

Matiu 6:12

Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.

Maka 11:25

Mana ṉalu qamu degere pene go ne, do ko nigo kakia basoe qo va muma go ne, ono nanao ule kenaqa ne basoe nae. Iato nae gogo Tamaqamu iko mego rani, tina nanao ule ne qamue go pataro qamu vasakate go.

Luka 1:78

God ita i lete manava mana vari nanao, ia tina va tatavata mego de qata koego ita, tatavata na vari vakavele ia.

Luka 11:4

Ono nanao ulene vasakata pata ro remu, gere remu qi nanao ule ne qira ria iri sakata qemu, mana oniki pada ne qemue pata i makuru go.”

Luka 17:4

Ṉalu ia iva sasakata nigo aro kavitu ṉalu loborona kameka musaqara, mana kavitu zaza napu i ule me mana igo, ‘Era qa maqata ne kebu era?’ I velaka aro ono nanao ule ne ia.”

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Luka 6:37

Jesu i sine napu ne qira, “Kasi toere na too ia kene basoe, go God tiniki toere go kaega too ramu, kasi vapala ze na kaki pata basoe ne, go God tiniki vapala qamue kaega kaki kapata. Nanao ule ne qira basoero ne, go God tina nanao ule ne qamu go.

Zazu Ria Apostoloro 28:2

Basoero na ṉugu ni gogo ne, iri lete va velaka ne qemu. I tupi nare mana i lolomu, iri subo nako mana iri sine qemu timuna za kakasiru.

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Kameka Korinti 13:4

Mamaligara i valosia nanao na basoe go iki muma katikili kaega mana i vari nanao go, iki pata na kaega vari qorae mana vazaka napu go.

Karua Korinti 2:10

Ṉalu qamu nanao ule ne kaki basoe i zazu ne kaki pata i kebu go, era do qa nanao ule napu neso ia ṉalu tara kone kaki pata basoe nae, go qa mazala go nanao ule ne era, qa nanao ule bana ne ia, de koe tarakenaqana Kristo tanego i sauqamu ramu.

Karua Korinti 2:7

Iago ninidena era qa soko muna nanao ule ne ia, mana teke ne ia nanao velaka, go niki lete maqata mana niki lete va pela nanao na ia.

Karua Korinti 6:6

Do too dalo remu, qi rove vavelake zazao na Tarama Velaka ne, qiki muma katikili kaega, mana zazu vari vatatavisi remu, qi vasadake qi vano zazu ia so God, remu qi toṉove Spirit tabo mana qi mamaligara ogoto ne qira basoero go.

Epesus 5:1

Pasi me ṉalu ramu qamu salero ia God, ia ilete mamaligara ne qamu, iago ramu muna pada ne ko gere ia.

Jemisi 5:11

Ita qata koru qirae ria, kula tanego iri konoto, mana vanadu ria nae tane vokara ro iri pala go iza vadoka qirae go ria valupolupona too ria. Ramu qamu gata bana de igogo Zobi. Topu pata makuru ilama dokae go de ikoe go, do ia ikonoto mana vanadue so de ikoe go God. Mana taramuzina God itavisi ne ia, tanego God ipurake manava mana varinanao de iri koego basoero ne.

Karua Pita 1:7

Muna mamaligara ne qira vano lotu, mana muna lete mamaligara napu ne qira basoero topu go.

Kameka Jon 1:9

Do ṉalu qata vasadaka ze de ikoego God vasakata pata ita, ia tina vaogote pui ia, mana tina zazu ne pata totoloṉo. Ia tina nanao ule ne vasakata pataro ita mana vadalo osina keburo qata zazu nego.

Kameka Jon 2:12

Qa karo ne qamu salero era, tanego God i nanao ule ne vasakata pataro ramu, iato iva doka ze go le ia Kristo.