Epesus 4:31 - Vato Vari Vakameka Voru Ia Batu Ne

³¹ Iago muna vana ne osina nanao sakata de ikoego kene basoe, ba nanao muma ba nanao vasakate na basoe. Kasi kara lapase basoe ba sine na pataro iva vokara qira qo basoero ne. Kasi zazu ne pataro iki totoloṉo go kaega.

Epesus 4:31 ပူးပေါင်းရင်းမြစ်များ

Zazu Ria Apostoloro 21:30

Pata makuru sivala to ipuroe go osina dia komala lavata ne, mana basoero ne iri teteṉe me osina dia iri lama vari pala taru ne Pol loborona Pade Lotu ne. Mana iri raqasa vasiporo ze ia pade lotu ne. Mana siporaṉa na Pade Lotu ne iri katikili kckoqua.

Leta Ia Pol I Karo Ne Qira Basoero Na Rom 3:14

Saqe qira i purake to seko tulaṉa sakata i mazala go vae vale na basoe.

Kameka Korinti 14:20

Vakitakaro era kasi pala na nanao gere qira sale ro, do ṉalu qamu zazu ne too i sakata go, ramu muna gere qira salero, do nanao qamu mara nanao kazigarata.

Kameka Korinti 5:8

Ita mata teṉo mana mata kula ne kelo na ṉaṉa zaza sivala do mata kasi gere na bureri bana ikoego isiti na vasakata pata mana too memelaka ro, do ita mata gere bureri i kaega go isti na, bureri i dalo mana ogoto go.

Karua Korinti 12:20

Era qaki soko kaega miana ṉalu tuna garetu go, too ramu tina kakavata ne de qa soko go era, mana ramu tamuna mia too rera tina kakavata ne de qamu soko go ramu. Qaki soko kaega garetu soba zena vari valegu, vari qorae, poro muma mana ṉaṉa siko, seko sakata, pepeu valu, vazakanapu mana legulegu de qamu koego.

Qalesia 5:20

iri vazaka qira god poqepoqe ro, zazu mamaruku, vari vasasakatae, lulua kaega Tamana, vari misi, poro muma, nanao na so tanuna basoe, va pera qira kero ne basoero, zazu ne vari vatavota go.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Epesus 4:25

Iago, ramu muna mamanava sine na seko poqe! Osiqamu muna sine so seko ogoto, de iri koego kero ne vano lotu, tanego ita osiqita qata kamekae so loborona kameka tokamana Kristo.

Epesus 4:26

Ṉalu qamu muma, kasi vamao ne na muma ramu go mara kenaqa ne qamue sakata, mana kasi pala taruna muma ramu go tina dokae go kuse.

Kolosia 3:19

Valeke ro busi, muna mamaligara ne qira qolero ramu mana kasi seko lavata qira.

Kolosia 3:8

Do ninidena muna pala vakuziki ne osina pataro dena, muma, nanao vari va sasakatae. Kasi seko vasakate na kene basoe, ba kasi va siporo ze saqe mu seko ni damu go.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 3:3

Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Kameka Timoti 5:13

Mana iri tupi lulua, ko volomo mana keba pade ro go. Iri rove napua poro nero, tavisi na too sakata ria vano kakavata, mana pepeu na pataro iki tora qira go kaega pepeuna go.

Karua Timoti 2:23

Oniki tavisi pepeu na pata poqepoqe ro ba vari valegu poqepoqe ro, tanego pataro dena i vapera qira so basoero ne.

Karua Timoti 3:3

Tina kaega ne qira vari mamaligarae, mana tina makuru qira vari nanao ule go. Tarina pepeu poqe ne qira basoero ne, tarina soko varitara mana tarina poro vae vato go. Pataro i velaka go, tariniki ara soko to kaega.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Taetusi 2:3

Vatatana napu qira qolero kazigarata, go tarina ko gere qole tabo loborona ko ria, mara ria kasi pepeu poqe ne qira basoero ne, mara kasi poro ge loka go, do mara vari vatatana ne pataro ni velaka go,

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 3:14

Do ṉalu puṉu qamu ikoe go qora mana muma, ṉaṉa siko gogone, kasi vazakanapu nena tarove ramu, iki pata ogoto kaega.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Jon 3:12

Iago ita mata kasi gerena Keni i sale iago Satana, go ni vaevale napua go kaena ogoto Ebolo. Iago avigo tane Keni i vae vale go kaena? Tanego vatovato ia i zazu ne go i sakata iki totoloṉo kaega, do vatovato ia kaena i totoloṉo.

Kameka Jon 3:15

Ka basoe i sakate go kaena, basoe nae i gere to valeke ivae vale go basoe. Mana qamu rove valeke i vaevale basoe go nae iki toṉove kaega too ogoto iki rove go kaega lupo.

Revaleson 12:10

Gonae era qa gata napu kameka ovaṉa na seko lavata i reqe me rani ne, igo de, “Ninidena to vari vakavele ia God i lama doka. God i vasadake karaputa ia ni batu lavata go. Ninidena to Mesia ia i vasadake go karaputa ia, i kenaqana nego osina ro pata. Tanego Satana i degere banae go tarakenaqana God mana ivari valegue de iri koego turaqita ro ne musaqara mana kuse gogo ne, iri kakale vakuziki ne zeto ia rani ne.