Epesus 4:24 - Vato Vari Vakameka Voru Ia Batu Ne

²⁴ mana pala too voru ni zazu bana mego God i va gere ze go too ia tanuna. Ṉalu ramu qamu gogo nae, ramu qamu vasadake too ogoto i totoloṉo mana i tabo go.

Epesus 4:24 ပူးပေါင်းရင်းမြစ်များ

Luka 1:75

Go tatana tabo mana totoloṉoe tarakenaqa na ia, osina to musaqara loborona too ita.

Tarama Velaka Ia Jesu Kristo I Karo Go Jon 17:17

Vari vatatana aro iogoto, iago vanama ne qira go tarina osaka ne ogoto aro.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 13:12

Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Leta Ia Pol I Karo Ne Qira Basoero Na Rom 6:4

Iago, ṉalu qata bapitema go ne qata le mana iri vou palu qitae ia, gerena Kristo i too napu me tepa le ne loborona karaputa ia God Tamaqita. Ita napu tatana too napue too voru.

Leta Ia Pol I Karo Ne Qira Basoero Na Rom 7:6

Do ninidena ita qata talukasa, tanego ita qata le bana ne pata i qolo bana go tamana. Iago ita qatiki zazu ne ze to kaega God ṉalu ninidena vatovato bana ro iri karo ze go tamana, do qata zazue vatovato voru ia Spirit tabo.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Kameka Korinti 15:53

Tokama i mazala noli, do tina kavala mana tiniki ara noli napu kaega. Tokama i rove le, do tina kavala mana tiniki ara le kaega.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 4:16

Iago, remu qiki pela kaega, patavolomo karaputa remu i taqoqoro, do too na madau qemu i pala karaputa nogotona musaqara.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Qalesia 3:27

Bapitema ramu qamu vakameka ne to Kristo mana ninidena qamu pala too ia tanuna Kristo.

Qalesia 6:15

I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Epesus 6:11

Muna vakeba ne osina pata varitara ro ia God i teke ne qamu go, go tamuna degere vanadu mana varitara ule go zazu tatakiu ro ia Satana.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 1:8

Sauna Sale ia, God igo, “Ke God, de ikoego vari miasoka aro tina ko sivala osina ṉalu topu ro! Aro qo kenaqa mana vatovato ne qira basoero aro loborona totoloṉo.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Kameka Pita 2:2

Muna gere qira sale medara iri ara podo go, iri lete soko go susu. Ramu muna soko susu i lete dalo go, susu nae tina vakaraputa qamu mana God tinara va kavele qamu go.

Karua Pita 1:4

Iato vatovato dena go i teke ne qita go mazala sivala, mana sosovolomo velaka sivala ni pui bana mego. Go tamuna pala go sosovolomo dena, muna paqa kasi ne too sakata ro ni koego basoero na vudu pua dena, gogo tamuna pala tavise go too tabo ia God.