Epesus 4:18 - Vato Vari Vakameka Voru Ia Batu Ne

¹⁸ Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Epesus 4:18 ပူးပေါင်းရင်းမြစ်များ

Matiu 13:15

tanego basoero nae i kokoqu bana nanao qira, mana iri olia qeqele qira mana va kodo mataqira go. Ṉalu tariki gogo kaega, ria tara mimia ne mataqira mana gata pata ne to qeqele qira, mana nanao qira tara ria nanao rove ne to go, mana tabali me de qa koego era mana era qa mazala, va velaka ne qira go.’

Maka 3:5

Iago Jesu ilete muma ne qira mana ireṉa vale ne qira. Do i nanao ule ule napu ne qira, tanego i makuru bana to tarinara kavale go nanao qira, iago i sine ne valeke ne, “Ono kazara ne karisimu.” Ṉalu i kazara ne, karisina valeke ne i velaka napu to.

Tarama Velaka Ia Jesu Kristo I Karo Go Jon 12:40

“God i va kodo mata qira mana i kokoqua nanao qira, go mata qira tiniki mimia kaega, mana tariniki nanao rove kaega go, go tariniki tabali me kaega, de qa koego era, go tuna va velaka qira.”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 3:17

Iago ninidena turaquroe, era qa rove to pata qamu zazu ne go ramu mana batubatu ro ramu, de koego Jesu, do qamuki nanao rove kaega talupasana pata qamu zazu ne go.

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 11:7

Ia dena, i talukase, vano Izirel iriki soba so kaega pata iri taqia go. Kavia ria so vano i vine qira go God iri soba go. Do ria kero ne iri lama gata pata to kaega.

Leta Ia Pol I Karo Ne Qira Basoero Na Rom 2:19

Ramu qamu nanao qamu mazala kenaqa ne qira vano iri ko gere qira vano kodo ne, mana ramu qamu gere go pazi tina tatavata ne qira go vano iri koego rodoko ne.

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Kameka Korinti 2:8

Kaega kaki ria vano kenakenaqana kolabana pua dena, iri rove go tarove dena. Ṉalu go tara ria rove go, ria tariki paqipaqi ze kaega koluse Batu na rani ne.

Karua Korinti 3:14

Nanao qira ne i kokoqu mana ninidena nanao qira ne i sapu napua so poga nigogo ne, gere na qamu toere zego vari toqe bana ne. Poga ni gogo ne i mazala so kuziki ṉalu ka basoe i vakameka ne Kristo.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Qalesia 4:8

De i lupo bana mego ramu qamuki rove kaega God. Iago ramu qamu seka ne so god poqepoqe ro ne.

Epesus 2:1

De i lupo bana mego, ramu i le madau qamu, tanego qamu legulegu mana qamu vasakata pata.

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Kolosia 1:21

De ilupo bana me, ramu qamu laqalaqa ne God mana qamu kana ne ia, tanego sauna vatovato sakata qamu zazu ne mana qamu nanao go.

Kameka Tesalonika 4:5

Mana kasi valulu zena nanaoqamu soko naso tokama na qole, gere qira vano rodoko iriki rove go kaega God.

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Iburu 9:7

do loborona varuana kova ne, Batu ria so patere i mazala go zae na, do kameka ṉalu so loborona kameka ave. Ṉalu i keba za, ia i pala za parasa na pata qaraqara go tina teke ne God, go tina valupo ze vasakata pata ia tanuna mana vasakata pata ria basoero iri zazu ne do iri ki rove kaega i vasakata pata go.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Kameka Jon 2:11

Do basoe ivasakata nego kene basoe lotu, basoe nae i koeso loborona rodoko, mana zaza ia izazae so rodoko, iago iki rove kaega ka tepa i zaza go zago. Tanego rodoko iva kodo go ia.