Epesus 4:16 - Vato Vari Vakameka Voru Ia Batu Ne

¹⁶ Kristo i batu nego tokama dena, mana nogotona takoboro na tokama dena i kama velake, de ikoego Kristo. Iago ṉalu nogotona takoborona tokama dena iri zazu va velaka go, tutukununa tokama tina podo velaka, tanego nogotona takoborona tokama dena iri vari mamaligarae.

Epesus 4:16 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Leta Ia Pol I Karo Ne Qira Basoero Na Rom 12:4

Osiqita qata nogote kameka tokama mana i topu paqara ro, mana paqarana ro dena iri vaogo te soso zazu ro ria.

Kameka Korinti 10:17

Tanego kameka bureri dena osiqita qata ge go, qata vari soso ne so kameka tokamana Kristo.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Kameka Korinti 8:1

Aria, sauna pata qamu karo me go, de igogo pata gege iri komakoma ne qirae go beku ro, iogoto, kakiaro basoero iri sine, ‘Tta qata pala tarove”, do tarove igogo ne, i teke basoe nanao vazaka napu, do mamaligara to i mazala go vanadu qita.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 3:7

God i teke nava era sosovolomo mazala sivala ia, go era tuna zazu ne Tarama Velaka dena loborona karaputa ia tanuna.

Epesus 4:12

Ia izazu ne pata dena go mara vanama ne qira basoero ia God sauna zazu ne na zazu ia, go tarina vadegere go mana vazazao popoka tokamana Kristo.

Epesus 4:15

Do loborona mamaligara ita de iri koego basoero ne, ita mata sine pata ogoto, mana mata podo popokae loborona zuka ia Kristo, iato ikuzuku ne go eklesia.

Pilipae 1:9

Mana iato dena pepene era, go mamaligara ramu tina podo popoka osina ṉalu, loborona tarove mana vivine totoloṉo.

Kolosia 2:19

Basoe nae iki pala taru vanadu e kaega de koe Kristo, ia to i kuzukuna go tokama qita, Mana kuzuku nae to i va karaputa go tokama ne go tina podo vamoqere go vari soma na de i koe uri ro mana rota ro go, go tokama ne tina podo, gere so de i soko go God.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Kameka Tesalonika 3:12

Mana Batu ita Jesu mara vazazao popoka vari mamaligarae ramu, de iri koego kero ne basoero, gerena mamaligara reremu ikoego de qamu koego ramu.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.