Epesus 4:1 - Vato Vari Vakameka Voru Ia Batu Ne

¹ Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 4:1 ပူးပေါင်းရင်းမြစ်များ

Zazu Ria Apostoloro 9:31

Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.

Leta Ia Pol I Karo Ne Qira Basoero Na Rom 11:29

Tanego ṉalu God i vine go basoe, mana i teke ne vatabo ia gogo ne, God iki ara kavale kaega nanao na.

Leta Ia Pol I Karo Ne Qira Basoero Na Rom 12:1

Iago turaquro tanego God imanava ne qita topu na ṉalu iago era qa pene vakaraputa qamu ramu muna teke ne zaqe God too ramu gerena kameka komakoma tabo go tina vakula go God. Iato nae de igogo ramu qamu ara mazala go tavatavara ogoto ne go God.

Kameka Korinti 4:16

Iago era qa lete pene qamu ramu, inuna lulua de qa gogo era.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 5:20

Iago remu, qi seko ne Kristo, do tanuna God i vazazu qemu remu. Loborona vatovato ia Kristo remu qi pene gamu ramu basoero qamu kana bana ne God, muna vamao ne ia mara itane too ramu, go tamuna vakitaka ro ia.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Qalesia 4:12

Qa pene vakaraputa qamu turaquro, muna lulua de qa gogo era tanego era do qa gere qamu so ramu de ilupo bana mego. Ramu qamuki vasakatava kaega era.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 3:1

Sauna to pata dena iri taruve go era bara ne, tanego qa keia Jesu Kristo, mana sauqamu ramu vano qamuki Jiu go kaega, qa pene ne qamue God.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 2:6

Pasi qamu toqe bana ne go Jesu Kristo gerena Batu ramu, koe loborona vari vakameka ia.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Karua Tesalonika 1:11

Ia tonae tane osina ṉalu remu qimu pene ne qamu go ramu. Qimu pene God ita go mara vatora qamue ramu too ni koru bana qamue go tamuna pala go. Qi pene, go ia mara vazazua karaputa ia, go mara voto lupo osina pata velaka ro qamu soko go, mana valupo to zazu ireqe mego vaogoto ramu.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Taetusi 2:10

mana mara kasi siko na patapata ria, mara ria zazu neso pataro tina vakula go batu ria, go batu ria tina ruqe qirae loborona zazu ro ria. Loborona to zazu velaka ro nae, ria tarina vazakazaka go vari vatatana na sauna God, iato iva kavele qita go.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Karua Pita 1:3

Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.

Karua Jon 1:5

Iago qa sine nigo qole, ita mata vari mamaligarae. Tamana dena iki pata voru gara karo ne qamu so kaega era, do i tamana qata rove bana me so kokosona ne.