Epesus 3:9 - Vato Vari Vakameka Voru Ia Batu Ne

⁹ Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Epesus 3:9 ပူးပေါင်းရင်းမြစ်များ

Matiu 10:27

Pataro qa sine ne qamu go era ṉalu ni rodoko go, muna sine patu napua ṉalu ni musaqara go. Pataro qata vari sine miki neso tanuqita ne, muna sine vasadaka ne qira basoero go.

Matiu 13:35

I zazu ne ia dena, go seko ia God i vagoe ze kakia propeta ne go tina lama ogoto go, i sine go. “Tuna vazazua seko vapadapada ṉalu tuna seko tabe qira basoero ne. Tuna sine ne qira pataro iki rove go kaega ka basoe, tupi me ṉalu God i vazaria go kolabana pua ne.”

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Tarama Velaka Ia Jesu Kristo I Karo Go Jon 10:30

Tanego raru Mamae, qaru kameka so.”

Tarama Velaka Ia Jesu Kristo I Karo Go Jon 5:17

Do Jesu i vataule ne qira igo, “Mamae ne, osina ṉalu i zazu, iago era do, tuna go napu so.”

Tarama Velaka Ia Jesu Kristo I Karo Go Jon 5:19

Iago Jesu i vataule ne qira, “Ma sine ne qamu pata ogoto. Tuna God i makuru tina zazu ne pata i soko go tanuna, do tina zazu neso pata i mia ze Tamana i zazu nego. Pataro izazu nego Tamana, Tuna, tina zazu napu neso go.

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 3:2

Era qa rove velake, ramu qamu gata bana, loborona Mana ia God, iteke nava era zazu dena sauna velaka qamu ramu.

Epesus 6:19

Mana muna pene napu nava era go God mara teke nava pata tuna sine go ṉalu na vanama ne go seko, go era tuna seko vakaraputa mana vasadaka vavelaka seko pipika ogotona Tarama Velaka ne.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:26

iago pata i pika bana me ze go, de iri koego basoero ne, ninidena i vasadaka ze de iri koego basoero ia.

Kolosia 3:3

Tanego qamu le bana, mana too ogoto iko pipika tavise Kristo ikoe de ikoe go God.

Kolosia 4:3

Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 4:11

“Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”