Epesus 3:5 - Vato Vari Vakameka Voru Ia Batu Ne

⁵ Ṉalu bana ne God iki varove qirae kaega basoe ro ne pata ogoto i ko pipika go dena, do ninidena loborona Spirit tabo ia, i vasadaka ze de iri koego apostoloro tabo ia God mana propetaro ne go.

Epesus 3:5 ပူးပေါင်းရင်းမြစ်များ

Matiu 13:17

Masine ne qamu pata ogoto, topu propetaro mana vano iri lulua go too velaka ia God iri lete soko mia na pata qamu mia go ramu ninidena, do iriki mia kaega, mana gata na pataro qamu gata go ramu ninidena do iri ki gata so kaega.”

Matiu 20:7

Iri vataule iri go, ‘Tanego i kaega soka basoe i sine ne qemu ka zazu ia.’ Gonae valeke ne i sine ne qira, ‘Lama mana za zazue barue era go.’

Matiu 23:34

Masine ne qamu, tuna turine qamu me kakiaro propeta, vano tarove mana vano vari vatatana go, do kakiaro ria tamuna vae vale qira, mana kakiaro tamuna paqipaqi qirae koluse, kakiaro tamuna sima qirae loborona pade pepeu mana Pade Lotu, mana kakiaro ria tamuna kakale qira e komakomala ro ramu go.

Luka 10:24

Masine ne qamu, topu propeta ro mana batu lavata ro iri lete soko miana pataro qamu mia go ramu, do iriki mia kaega mana gata na pataro qamu qata go ramu, do iriki gata bana so kaega.”

Luka 11:49

Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 16:13

Do ṉalu Spirit tabo tina vasadaka ne qamu ogotona, lama na ia tina kenaqa ne qamue rove na pata ogoto ne. Ia tiniki seko ne kaega nanao ia tanuna, do tina seko ne pataro i gata go, mana tina sine ne qamu pataro tinara lama go.

Zazu Ria Apostoloro 10:28

Pita i sine ne qira, “Ramu tanuqamu do qamu rove velake vano Jiu i tabo e tamana ria tarina tove ba ko tavisi qira vano iriki Jiu go kaega. Do God iva mia ve era, go makasi nanao vakakata ne basoe ṉalu i dalo, ba ṉalu iki dalo go kaega.

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Kameka Korinti 2:10

Seko dena to i ko pipika go, do loborona zazu ia Spirit ia God i vamia qemue remu, Ove to Spirit i mazala miana pataro i pupuika ego tanuna God.

Epesus 2:20

Ramu napu to go, qamu gere go pade izazu ne go God, mana ria to apostoloro mana propetaro ne to iri kutamana go. Tanuna to Kristo i turu maqana go pade ne.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Karua Pita 3:2

Qa soko ramu muna nanao tarua seko ro ria propeta tabo ro iri sine bana mego ṉalu bana ne, mana tamana ia Batu na vari vakavele iri teke ne qamu go apostoloro ne.

Judi 1:17

Do ramu turaquro, muna nanao tarua pataro iri sine bana ne qamu go ria apostoloro ia Batu ita Jesu Kristo.