Epesus 3:17 - Vato Vari Vakameka Voru Ia Batu Ne

¹⁷ Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 3:17 ပူးပေါင်းရင်းမြစ်များ

Matiu 13:6

Iago ṉalu saṉa i lete uraka me, iri katikili so le, tanego rabutuna ro iriki lete zunu za kaega.

Luka 6:48

I gere valeke i zazu nego pade ia, i sola va zunua kutamana mana iva kekele ze popoko na ipaka ne, gonae i kiale me uguru, i lama vae pade ne do iki vizu kaega, tanego pade ia i degere vanadu.

Tarama Velaka Ia Jesu Kristo I Karo Go Jon 14:17

Basoe nae to Spirit tabo, iato i vasadake go ogoto na God. Basoero na vudu pua dena iriki toqe ne kaega toṉove na Spirit tabo, tanego iriki miasoba kae mana iriki rove kaega go, do ramu qamu rove ia tanego i ko tarue de qamu koego, mana ikoe loboro qamu go.

Tarama Velaka Ia Jesu Kristo I Karo Go Jon 14:23

Jesu ivataule, igo, “Basoe i mamaligara nava go era, tina lulua vari vatatana era. Mamae tina mamaligara ne ia, mana raru Mamae taruna lamae de ikoego ia mana koe loborona iago.

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 6:56

Ka basoe i ge tokamaqu mana besia parasaqu, basoe ne i koe loboro qu era, mana era qa koe loborona iago.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Kameka Korinti 3:6

Era qa leba paturu ne, mana Apolosi i va besia, do God ni va podo go paturu ne.

Kameka Korinti 8:1

Aria, sauna pata qamu karo me go, de igogo pata gege iri komakoma ne qirae go beku ro, iogoto, kakiaro basoero iri sine, ‘Tta qata pala tarove”, do tarove igogo ne, i teke basoe nanao vazaka napu, do mamaligara to i mazala go vanadu qita.

Karua Korinti 13:5

Muna pada ne tanuqamu mana toere too ramu, go tamuna rove qamu vano vaogoto. Kadigo qamu rove Jesu Kristo ikoe loboro qamu? Ṉalu go qamuki rove go kaega ogoto sivala ramu ramu qamuki moqere to kaega varivose dena.

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 2:7

Vanadu ze too ramu de ikoego ia, zazu vanaduze pade ramu de i koego ia, mana vamoqere vaogoto ramu, gerena iri vatatana bana qamue go, mana osina ṉalu muna seko velake ia.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Kameka Jon 4:4

Do ramu turaquro qamu keia God mana qamu vaqoqoro bana qira ramu tane propeta poqepoqe ro nae, tanego Spirit tabo i koe go de qamu koe i karaputa sivala ne qira, kana ro ia Kristo iri keia go vudu pua de.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.