Epesus 3:16 - Vato Vari Vakameka Voru Ia Batu Ne

¹⁶ Qa pene God iko ne go karaputa, go Spirit ia mara valame ne qita karaputa go mara vamoqere too ita.

Epesus 3:16 ပူးပေါင်းရင်းမြစ်များ

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Leta Ia Pol I Karo Ne Qira Basoero Na Rom 2:29

Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Leta Ia Pol I Karo Ne Qira Basoero Na Rom 7:22

Loborona puṉuqu, era qa lete kula ne Tamana ia God.

Leta Ia Pol I Karo Ne Qira Basoero Na Rom 9:23

Mana i soko napu vasadakena velaka sivala na karaputa ia, i zele me ze go de iri koe go ria iri pala go manava ia, mana de qata koe go ita ia i vanama ne qita go tatana pala tavise go menomeno ia.

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Karua Korinti 12:9

Do vataule i teke nava go igo dena, “Mana era so i tora go aro, ba karaputa era i moqere sivala ṉalu aro qo pela go.” Era qa lete kula sivala ṉalu qa pela go, go karaputa ia Kristo tina koe de qa koego era.

Karua Korinti 4:16

Iago, remu qiki pela kaega, patavolomo karaputa remu i taqoqoro, do too na madau qemu i pala karaputa nogotona musaqara.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Epesus 3:15

Mana de ikoego ia osina tatamana na rani mana pua dena iri pala ze vitoṉo ogoto qira.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 6:10

Kameka pata napu, ramu muna degere vakaraputae loborona ko kameka ramu de ikoego Batu ne, sauna karaputa varavarana ia.

Pilipae 4:13

I konava karaputa go tuna vatabali zego osina too ro dena, loborona moqere iteke nava go Kristo.

Pilipae 4:19

Mana sauna topu na pata vavagado ia iva goe ze Jesu Kristo. God era tinara sosone qamu topu na pata qamu soko go.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Iburu 11:34

iri vae vale nako i lete uqulu go, iri vasivala ne ṉalu iri vele tolu koboro qira e peqi loda ne. Iri pela, do iri karaputa napu, iri lete karaputa napu iri varivavae mana iri taru vaqoqoro qira degara na vudu kakavata ro go.

Kameka Pita 3:4

Ba pata menomeno mara ko mego loborona puṉu, mana madau qamu ne, iato ko va velaka, noto mana ko duduli go. Vatovato nae to i lete mazala sivale go tarakenaqana God.