Epesus 3:1 - Vato Vari Vakameka Voru Ia Batu Ne

¹ Sauna to pata dena iri taruve go era bara ne, tanego qa keia Jesu Kristo, mana sauqamu ramu vano qamuki Jiu go kaega, qa pene ne qamue God.

Epesus 3:1 ပူးပေါင်းရင်းမြစ်များ

Luka 21:12

Do tarakenaqa na pataro dena tinara sadaka go, basoero ne tarina pala qamu mana vasasakata ne qamu, mana tarina vazao qamue Pade Lotu ria vano Jiu, tarina varitanae ne qamu mana tarina taru qamue bara, tarina pala vazao qamue de iri koego ria batubatu ro ria mana qavuna ria, tanego i sauqu era.

Zazu Ria Apostoloro 21:33

Batu ria vano soldia izae de ikoego Pol i za pala tarua, mana i sine ne qira vano soldia ro go mara qolo ze karua seni. Gonae i tana ne qira basoero ne, “Akena tane valeke dena, mana avana tane i zazu ne go.”

Zazu Ria Apostoloro 23:18

Valeke kenaqa ria soldia ro ne i lulu vazao ze ia de ikoego batu ria, mana i sine ne ia, “Pol basoe qo taruze qo bara ne i sine nava era lulu me na sale valeke dena de qo koego aro, tanego i soko sine nigo aro kaki pata,” igo.

Zazu Ria Apostoloro 26:29

Pol ivataule igo “Patavolomo ṉalu pusi ba ṉalu loda.” “Pepene era de ikoego God, aro mana osiqamu to ramu qamu gata va era ninidena, kadego tamunara gere ava era, qa vaogoto go, do era qaki soko kaega tarina qolo qamu e seni, gere ava era iri qolo ve go seni dena.”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Karua Korinti 1:6

Tanego remu qi soba makuru ro, iato go ramu qamu pala tavisi mana vari vakavele. Ṉalu remu qi pala ze tavisi de ikoego God, ramu do tamuna pala napua so vari vatatavisi igogo ne, mana tamuna pala karaputa de ikoego God, go tina va moqere gamu ṉalu tamuna za pala go vokara qi soba bana go remu.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 11:23

Iri go iri vano zazu ia Kristo. Era to qa basoe zazu velaka ia Kristo, qa gere to sekoseko na basoe bulaṉoe. Era qa zazu vakaraputa sivala ne qira basoero nae, qa koe bara ne topuna ṉalu, iri sima va topu na ṉalu, mana topu ṉalu era qa garogaro le go.

Qalesia 5:11

Ba tepa rera ne turaquro, ṉalu tara ogoto go era qa tamana ne go va mazalana kosi, avigo tane basoero ne iri vasasakata nava go era? Ṉalu tara ogoto go, ianae vano Jiu tara muma nava kaega era qa tamana ne Kristo i le go koluse ne.

Qalesia 5:2

Muna gata! Era Pol go qa sine ne qamu pata dena, ṉalu ramu qamu toqe ne tarina kosi qamu go, talukasa na pata nae ne Kristo tiniki tavisi ne qamu kaega.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Epesus 3:13

Iago qa pene vakaraputa qamu, kasi ko memelaka ṉalu era qa vokara ne qamu, tanego i sauna to velaka qamu ramu.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 6:20

Sauna to Tarama Velaka dena God ituri nava era, go tuna seko ne ia, mana ninidena era qa koe to bara ne. Iago muna pene God go mara vakaraputava, go ma kasi sareki ne seko ne na Tarama Velaka de, de qa mazala go sine na.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Kolosia 4:18

Era qa karo ze karisiqu leta dena, seko kula era de qamu koego. Muniki nanao kasupe ne era qa koe bara dena. Go Mana ia God mara ko tavisi de qamu.

Kolosia 4:3

Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Karua Timoti 1:16

Era qa pene Batu ne, go mara nanao ule mana manava ne Onesiporosi mana vano pade ia, tanego topu na ṉalu i tavisi nava mana i vakula va era go. Mana iki agava nava kaega patavolomo era qa koe bara ne.

Karua Timoti 1:8

Oniki agava ne tarama ne Tarama Velaka ne, ba agava nava era qa koego bara ne tanego i sauna Kristo. Do aro ne, ono pala tavise vokara sauna vasadake na Iarama Velaka ne, tanego God i teke bana nigo karaputa go tono zazu ne go.

Pilimon 1:1

Era Pol qa koe loborona bara ne, tanego qa basoe zazu ia Jesu Kristo. Mana vakitaka ita Timoti qaru karo vagaretua leta dena, de qo koego aro vakitaka raru Pilimon qata kameka zazu go,

Pilimon 1:23

Epaparasi, ia qaru koe bara ninidena, tanego i vaogote Jesu Kristo, i vagaretua seko kula ia,

Pilimon 1:9

Do tanego era qa lete mamaligara nigo, qa pene go aro. Era Pol qa sine vasadake seko ia Kristo tane qa pene go aro, mana torana ninidena, era qa koe bara ne tanego qa vaogote Jesu.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.