Epesus 2:8 - Vato Vari Vakameka Voru Ia Batu Ne

⁸ Tanego i sauna vaogoto ramu tane God i vakavele qamu go.

Epesus 2:8 ပူးပေါင်းရင်းမြစ်များ

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 20:9

Basoero iri tupi zazu go kalima koloko ne i teke qira voli, kameka kesa kameka basoe.

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Luka 7:50

Do Jesu i sine ne qole ne, “Vaogoto aro i va kaveli go, ono za loborona dalo.”

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 4:10

Jesu i vataule ne ia igo, “Aro qoki rove kaega pata i soko teke nigo aro, mana qoki rove ava kaega era, qa pene besi, go ṉalu go to rove go ne, aro to pene besi ava era, besi igogo ne iki rove go kaega lupo.”

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Tarama Velaka Ia Jesu Kristo I Karo Go Jon 6:35

Do Jesu i sine ne qira igo, “Era to qa bureri na too, ka basoe i lama va era tiniki ara saqo kaega, mana ka basoe i vaogoto ava era tiniki ara kaṉoso kaega go.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 6:44

Mamae tane i turi nava go era, iago kaega ka basoe tina mazala go lama va era, do ṉalu Mamae tina turine mego ia de qa koego, era tuna vatoo ze ia tepa le musaqara muzimuzi go.

Tarama Velaka Ia Jesu Kristo I Karo Go Jon 6:65

Iato go qa sine go, “Kaega ka basoe i mazala go lulua va era, ṉalu Mamae iki vamao ne go kaega ia.”

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Zazu Ria Apostoloro 15:11

Ba ita go qata vaogote tatana za kavele loborona Mana ia Jesu Batu ita, gere napu qira so vano iriki Jiu go kaega.”

Zazu Ria Apostoloro 16:14

Kaki kameka ria, i gata go seko remu, vitoṉona Lidia, i reqe me Taetira, qole dena i volivoli ne poga qore i lete voli makuru go, ia i vazaka God, mana Batu ne i papaqa nanao na ia, go tina vavaroṉo no velaka ne pataro i sine go Pol.

Zazu Ria Apostoloro 16:31

Iru vataule, “Ono vaogote Batu Jesu, go tono za kavele, aro mana osiqamu to tatamana ro.”

Leta Ia Pol I Karo Ne Qira Basoero Na Rom 10:14

Do ava tina gogo tarina pene go ia ṉalu iriki vaogote go kaega ia, mana ava tina go tarina vaogote go ia ṉalu iriki gata bana go kaega ka tarama na ia? Mana ava tina gogo tarina gata go ṉalu iriki tarama vasadaka bana ne girae go kaega?

Leta Ia Pol I Karo Ne Qira Basoero Na Rom 10:17

Iago, ita qata rove, vaogoto tina reqeme ṉalu qata gata go tarama, mana go tatana gata go Tarama Velaka ne, tina za reqeme ṉalu basoe i lama tarama ne sauna Kristo.

Leta Ia Pol I Karo Ne Qira Basoero Na Rom 4:16

Iago pui ia God i degere ne vanaduna vaogoto go tarina pala ogote go sosovolomo ia God i teke volomo ne qira go vano iri reqeme go sasaqi ia Abra-am. Do iki keria miki so kaega ria iri lulua go Tamana ia Mosese, do ria napu to vano iri vaogote go God, gerena Abra-am ni vaogoto go. Tanego Abra-am to i Tamaqita osiqita,

Leta Ia Pol I Karo Ne Qira Basoero Na Rom 4:5

Do basoe i kone go vaogoto iki va mazale kaega ia tane zazu ia, do i vaogote God ia ni vatotoloṉo qira go basoero iri kebu, tanego sauna to vaogoto ia. Iago God i toqe ne basoe dena go i vatotoloṉo ze go de ikoe go tanuna.

Leta Ia Pol I Karo Ne Qira Basoero Na Rom 9:16

Iago ṉalu God i korua go basoe ia iki lulua kaega pata ni soko go ba pata i pada ne go zazu nena basoe, do God i lulua so manava ia tanuna.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Qalesia 3:22

Do Buka tabo ne igo, “Osina basoe iri koego vudu pua iri koe to karaputa ia vasakata pata.” Iago sosovolomo ia God i pui bana mego de ikoego vano iri vaogote go Jesu Kristo, iteke ne qira to ria iri vaogote go ia.

Epesus 1:19

Mana de igogo ia, do ilete karaputa sivala zazu ia de gata koego ita qata vaogoto go. Karaputa ivazazu ze go de qata koego ita i varipada so karaputana mazala,

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Kolosia 2:12

Tanego ṉalu qamu bapitema, ramu qamu vou palua Kristo, mana loborona bapitema qamu too palu napua Kristo, loborona vaogoto ramu de koe zazu mana karaputa ia God, i vatoo ze go Kristo tepa ia le ne.

Karua Tesalonika 1:9

Mana vokara na kimata tarina pala go, tina lete vasakata sivala qira, mana tiniki rove to kaega lupo. Tarina ko kakavatae de ikoego Batu ne, mana tariniki mia to kaega menomeno na karaputa iago.

Iburu 6:4

Do ava tarina go ria iri tabali kakamu ne Kristo, tarina tabali ule mana manava sakata go? Tanego basoero nae iri ko bana eto tatavata ia God, mana iri pala bana soso i teke qira go God i reqe me rani ne, mana Spirit tabo i lama ko tavisi bana qira go,

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.