Epesus 2:3 - Vato Vari Vakameka Voru Ia Batu Ne

³ Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Epesus 2:3 ပူးပေါင်းရင်းမြစ်များ

Maka 4:19

do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego.

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Zazu Ria Apostoloro 14:16

Ṉalu bana ne, i vamao ne qira so basoero ne tarina goe go zuka iri mao go tanuqira.

Leta Ia Pol I Karo Ne Qira Basoero Na Rom 1:24

Tanego basoero dena iri lete bulaṉoi sivala. Iago God i taru qira go mara ria lulua so nanao qira tanuqira, sauna pata sakata ro iri zazu nego ni soko go puṉu qira. Iri zazu neto pata sakata go iri vasakata napua to tokama qira tanuqira go.

Leta Ia Pol I Karo Ne Qira Basoero Na Rom 11:30

Iago ṉalu i lupo bana mego ne ramu to qamu legulegua go God, do tanego vano Jiu iri legulegua God, iago God i nanao ule ne gamu to ramu.

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Leta Ia Pol I Karo Ne Qira Basoero Na Rom 2:14

Vano iriki Jiu go kaega iriki pala kaega Tamana ireqe me de ikoe go Mosese, do ṉalu nanao velaka ikoego puṉu qira, go iri zazu va gere ze go pata velaka ni totoloṉo go. Iago, patavolomo iriki pala go kaega Tamana ia Mosese.

Leta Ia Pol I Karo Ne Qira Basoero Na Rom 5:10

Ita qata kana bana ne God, do ia i vakameka napu ne qita ita, de ikoe tuna sauna le ia ne. Ninidena ita qata ko kameka de ikoe God. Iago pata ogoto sivala ita tatana kavale too ia Kristo.

Leta Ia Pol I Karo Ne Qira Basoero Na Rom 5:9

Le ia i vatotoloṉo qitae ita de ikoego God ninidena mana i pata ogoto ia to tina vakavele napu qitae go ita muma ia God ṉalu na varitanae ia musaqara muzimuzi.

Leta Ia Pol I Karo Ne Qira Basoero Na Rom 6:12

Kasi vamao ne na vasakata pata go mara kenaqa ne go tokama qamu ni rove go le, gogo tamuna lulua go pata ni soko go nanao qamu.

Leta Ia Pol I Karo Ne Qira Basoero Na Rom 7:18

Era qa rove i kaega so pata velaka ikoe de qa koe go, do too na so vudu pua dena ikoego de qa koe go era. Iato gogo pata velaka qa soko go zazu nena qaki zazu ne go kaega.

Leta Ia Pol I Karo Ne Qira Basoero Na Rom 9:22

Gerena napu so God. Ia i soko vasadakena muma ia, mana isoko vamia qitae karaputa ia. Do ia i pala tarua muma ia de iriki koe go ria ikoego muma ia. Patavolomo i muma vasakata ne qira go.

Kameka Korinti 4:7

Akena tane i vine qamu ramu, qamu mazala sivala qira kero ne basoero ne na? Osina pata qamu toṉove go nae, God so i teke ne qamu. Iago avigo tane qamu vazakanapu nego, i gere pata qamu vazaria go tanuqamu.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 3:22

Do Buka tabo ne igo, “Osina basoe iri koego vudu pua iri koe to karaputa ia vasakata pata.” Iago sosovolomo ia God i pui bana mego de ikoego vano iri vaogote go Jesu Kristo, iteke ne qira to ria iri vaogote go ia.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Kolosia 1:21

De ilupo bana me, ramu qamu laqalaqa ne God mana qamu kana ne ia, tanego sauna vatovato sakata qamu zazu ne mana qamu nanao go.

Kameka Tesalonika 4:13

Ramu turaquro, remu qi soko ramu muna rove vavelake de iri gogo vano iri le bana go, go ramu muniki maqata gere qira vano i kaega ne qira go ruruqe de ikoego God.

Kameka Tesalonika 5:6

Iago, ita mata kasi kamuku gere qira vano iriki vaogote go kaega Kristo. Mata dogara, mana vazazao ze nanao ro ita pata ni velaka go.

Kameka Timoti 6:9

Do basoero iri soko go vavagado iri sorue pada mana i suqi qira Satana loborona pata vari vabulaṉoi mana pata sakata ro. Pataro nae tina toqo vaqoqoro qira, mana too ria tina lete sakata, mana God tina va kimata qira go.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Kameka Jon 2:16

Tanego too iri vazazua go basoero na vudu pua dena, iki reqe me kaega God Tamaqita. Gerena soko na nanao sakata i reqe go nanao qira mana pataro iri mia ze mataqira go, mana iri vazakanapu ne go. Too ro dena i reqe meso vudu pua de.

Kameka Jon 2:8

Do patavolomo nae, tamana qa koro ne qamu go era dena, i tamana voru napu so, mana ogotona tamana dena ita qata mia bana ze Kristo, mana i sadaka napue de qamu koego ramu, tanego tatavata i damara me mana ivakuziki ne rodoko.