Epesus 2:2 - Vato Vari Vakameka Voru Ia Batu Ne

² Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 2:2 ပူးပေါင်းရင်းမြစ်များ

Matiu 11:19

Mana ṉalu era Tuna basoe qa lama go, qa ṉaṉa mana qa ge loka do basoero ne iri go, ‘Mia to valeke dona, i poro ṉaṉa, ge loka so, mana i vakitaka qira so vano palapala takisi mana vano vatovato sakata go.’ Do osina pata i reqe me nanao velaka ia God, i vasadake nanao velaka ro nae i pata ogoto.”

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Matiu 13:38

Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Maka 4:19

do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego.

Luka 16:8

Taramuzina nae batu ia valeke tatakiu ne, i vazaka ia, tanego i tarove ne zazu na pataro igogo ne. Tanego basoero na pua dena iri rove dego miasoka na pata vavagado ro ria, iri sivala ne qira basoero iri koego tatavata.”

Luka 22:31

Jesu i sine ne qira, “Saimon, Saimon, ono gata! God iva mao Satana go tina pada ne qamu osiqamu, i taqia akena tane i degere vanadu go tina vota vakakavata ne velaka mana sakata, gere so valeke zazu barui i soso taru ne qiru go de velaka na vuiti, mana de sakata na go.

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 13:2

Raravi na ṉalu nae, Jesu mana disipoloro ia iri za ṉaṉa go, Satana i keba banae nanao na Jiudas sale ia Saimon Iskariot go tina va besa nego Jesu.

Tarama Velaka Ia Jesu Kristo I Karo Go Jon 13:27

Ṉalu Jiudas i pala bureri nae, Satana ne i kebae ia. Gonae Jesu i sine ne ia, “Zazu vakatikili ne to aro, pata tono zazu nego!”

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 15:19

Ṉalu tamu basoe na kolabana pua dena, ria tarina mamaligara ne qamu, tanego qamu basoe na pua dena. Do era qa vine bana qamu go, mana qamuki ke ia kaega kolabana pua dena go, iato go basoero na kolabana pua dena iriki soko qamu go kaega.

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Tarama Velaka Ia Jesu Kristo I Karo Go Jon 7:7

Basoero na vudu pua dena iri vavelaka ne qamu ramu, do era ne iri vasasakata nava, tanego qa poro sine ne qira, too ramu i sakata.

Tarama Velaka Ia Jesu Kristo I Karo Go Jon 8:23

Do Jesu i vataule ne qira, igo, “Ramu qamu basoero na sokasoka dena, do era qa reqe me zakazaka, ramu qamu basoero na kolabana pua de, do era qaki kiana kaega kolabana pua dena.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Zazu Ria Apostoloro 19:35

Goto nae ia valeke karokaro na komala lavata ne, iara va noto qira basoero ne, mana i sine ne qira “Basoero na Epesus! Basoero ne iri rove komala lavata na Epesus, iato iri vine ze go tina miasoka go de va vazaka ia god qole Daeana, mana i paka tabo ni soru me tepa rani ne.

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Kameka Korinti 5:10

Qaki va pala qirae kaega vano rodoko iri vari vagabu, iri soko pala na topu na pataro, iri sikosiko iri vazaka qira beku ro. Do ṉalu ramu qamu soko vasivala ne pataro dena, tamuna kasi neto vudu pua dena.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Epesus 1:21

Kristo i zakoe rani ne, mana i Batu sivala ne qira osiqira aqeloro mana osina karaputana zakazaka ne, mana vitoṉona Kristo i lete sivala ne osina to vitoṉo i ko go karaputa na, iri koego vudu pua ninidena, mana vudu tinara za lama go.

Epesus 2:11

Ramu vano qamu podo mego sinaqe ria vano iriki Jiu go kaega, iri koru qamue vano kosi kaega. Mana tanuqira vano Jiu iri koru qirae vano kosi. Seko dena italukase pata iri zazu ne ze tokama qira tanuqira. Ramu vano qamuki Jiu go kaega muna nanao tarua deigo koko ramu ṉalu bana me.

Epesus 2:13

Do ninidena loborona kameka i Jesu Kristo, ramu qamu ko valaqalaqa bana me so, God i pala vagarogaro qamue de ikoego tanuna sauna le ia Kristo.

Epesus 2:3

Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Epesus 6:12

Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Kolosia 1:21

De ilupo bana me, ramu qamu laqalaqa ne God mana qamu kana ne ia, tanego sauna vatovato sakata qamu zazu ne mana qamu nanao go.

Karua Timoti 4:10

Qa rove Demas, ia i kasi nava era, tanego i lete mamaligara ne patana ro vudu pua dena, mana i za banae to Tesalonika go. Kresen i za banae to Qalesia mana Taetusi i za bana to Dalmatia go.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Jemisi 1:7

Basoe igere go ianae iki vatotoloṉe kaega osina pataro izazu ne go. Iago basoe nae mara kasi nanao na tina pala ze go kakipata de ikoe go God.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Kameka Pita 4:3

Kokosona ne, qamu va riqo ze too ramu lulu na pataro iri zazu nego basoero iriki vaogoto go kaega, vano iri vari vagabu, iri soko go zazu ne na pata sakataro, iri poro ge loka, iri zazu ne kelo lavata ro, go iri ṉaṉa mana lete ge loka mana iri zazu ze pata sakata ro tarakenaqa qira basoero ne, mana iri vazaka qira beku ro go.

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Kameka Jon 4:4

Do ramu turaquro qamu keia God mana qamu vaqoqoro bana qira ramu tane propeta poqepoqe ro nae, tanego Spirit tabo i koe go de qamu koe i karaputa sivala ne qira, kana ro ia Kristo iri keia go vudu pua de.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Kameka Jon 5:4

Tanego osiqita salero ia God qata mazala to vaqoqore na vatovato na vudu pua dena. Loborona to vaogoto ita qata mazala go vaqoqoro zena.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 16:17

Gonae vavituna aqelo ne i zele zaqe ebata ia varioka ne. Kameka ovaṉa lavata i seko me de kolokoloku batubatu ikoego Pade Lotu ne, igo dena, “Osina pata i lupo to!”

Revaleson 20:2

Ia i qolo vanadua dole ratovo i ko bana mego ṉalu bana ne, iato qata vitoṉo zego Satana, mana i qolo taru ze ia seni lavata torana kameka mao masirani.