Epesus 2:18 - Vato Vari Vakameka Voru Ia Batu Ne

¹⁸ Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Epesus 2:18 ပူးပေါင်းရင်းမြစ်များ

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Qalesia 4:6

Ita qata salesale ro ia God, iato go God i turi ne me Spirit na Sale ia, go tina lama koe loborona too ita. Mana Spirit nae ikoru, igo, “Aba, Mamae era.”

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Epesus 3:14

Iago sauna pata dena era qa koloku tutuṉu ne tutunuqu tarakenaqana God Tamaqita.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.

Jemisi 3:9

Saqe qita qata seko velaka ze Batu God i Tamaqita go, mana qata tulaṉa ne qirae basoe go, patavolomo izazu ne qita mana ivagere ze go tatalina tanuna.

Kameka Pita 1:17

Ṉalu ramu qamu pene go God qamu koru ze ia Tamaqamu, ia nae i vari pada neso osina basoe, do vivine ia so iara taru ze go nogotona basoero sauna pataro iri zazu ne go. Iago ko qamu ara vae go pua dena muna vazaka ia mana ko padapadae de ikoego ia osina ṉalu.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Judi 1:20

Do ramu turaquro, vazazua vaogoto ramu i tabo, go tina valavate go, vaogoto ramu mana pene Spirit tabo go tina tavisi qamu go.