Epesus 2:14 - Vato Vari Vakameka Voru Ia Batu Ne

¹⁴ Tanego Kristo tanuna, i pala bana me bule de iri koego vano Jiu mana vano iriki Jiu go kaega mana i vakameka basoe ne qira go. Tokamana tanuna i pero vakuziki ne go bari isoso taru qira mana i varikanae bana ne qira go.

Epesus 2:14 ပူးပေါင်းရင်းမြစ်များ

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 10:28

Pita i sine ne qira, “Ramu tanuqamu do qamu rove velake vano Jiu i tabo e tamana ria tarina tove ba ko tavisi qira vano iriki Jiu go kaega. Do God iva mia ve era, go makasi nanao vakakata ne basoe ṉalu i dalo, ba ṉalu iki dalo go kaega.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Epesus 2:17

Iago Kristo i lama tamana ne Tarama Velaka na bule, de qamu koego ramu qamuki Jiu go kaega qamu ko valaqalaqae de ikoego God, mana remu to vano Jiu qemu ko garogaroe de ikoego God.

Epesus 3:15

Mana de ikoego ia osina tatamana na rani mana pua dena iri pala ze vitoṉo ogoto qira.

Epesus 4:16

Kristo i batu nego tokama dena, mana nogotona takoboro na tokama dena i kama velake, de ikoego Kristo. Iago ṉalu nogotona takoborona tokama dena iri zazu va velaka go, tutukununa tokama tina podo velaka, tanego nogotona takoborona tokama dena iri vari mamaligarae.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Kolosia 2:20

Ramu qamu le tavise Kristo, mana qamu talupasae karaputa ia Spirit na vudu pua dena. “Avigo tane qamu ko gere go basoe na vudu pua de? Avigo tane qamu vaogote go tamana i sine go.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 7:2

gonae Abra-am i teke ne ia vamanoga na osina pata ro i za pala ze go varitara ne. Talupasa na vitoṉo Melkizadek, igo de, “Batu lavata na zazu totoloṉo,” tanego i batu lavata na Salem, vitoṉona i talupasa napua so, “Batu lavata na bule.”