Epesus 2:13 - Vato Vari Vakameka Voru Ia Batu Ne

¹³ Do ninidena loborona kameka i Jesu Kristo, ramu qamu ko valaqalaqa bana me so, God i pala vagarogaro qamue de ikoego tanuna sauna le ia Kristo.

Epesus 2:13 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Zazu Ria Apostoloro 15:14

Saimon iara sine lupo zaqe so de igogo God i vasadaka kenaqe go manava ia de iri koego vano iriki Jiu go kaega, ṉalu i vine go kakia ro vari lobori qira tarina basoero ia, igogo.

Zazu Ria Apostoloro 2:39

Tanego pui ia God i zazu ne ze go de qamu koego ramu, mana salero ramu mana osiqira ria iri kova laqalaqa me, Batu ita God i koru me qirae de ikoego tanuna.”

Zazu Ria Apostoloro 22:21

‘Ono za,’ Batu ne, ‘Era qa turi vazao zigoe aro, de iri koego vano iriki Jiu go kaega.’ ”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Epesus 1:1

Era Pol loborona soko ia God qa apostolo ia Jesu Kristo, qa karo ne qamu ramu vano na komala Epesus qamti vanadue go too ramu loborona Jesu Kristo.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 2:6

Loborona ko vari vakameka ita de ikoego Jesu Kristo, God i vatoo palu napu qita ita go tatana ko batu tavisi ze ia komala na rani ne.

Iburu 9:18

Iato go varitoqe kenaqa ia God i lama ogoto go, ṉalu iri rupe poka ze parasana pata qaraqara iri koma koma nego.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.