Epesus 2:12 - Vato Vari Vakameka Voru Ia Batu Ne

¹² Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Epesus 2:12 ပူးပေါင်းရင်းမြစ်များ

Luka 1:72

Ia i vasadaka bana de igogo vari mamaligara ia, deirikoego ria kazigarata ro ita, mana i nanao tarua pui tabo ia ne.

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Tarama Velaka Ia Jesu Kristo I Karo Go Jon 4:22

Ramu vano Samaritano qamuki rove velake kaega akena tane qamu vazaka go, ba remu vano Jiu qi rove akena qi vazaka go, tanego vari vakavele i reqe me de iri koego vano Jiu.

Zazu Ria Apostoloro 2:39

Tanego pui ia God i zazu ne ze go de qamu koego ramu, mana salero ramu mana osiqira ria iri kova laqalaqa me, Batu ita God i koru me qirae de ikoego tanuna.”

Zazu Ria Apostoloro 28:20

Iato dena tane pataro go qa soko go ma mia qamu e, mana seko tabe qamu e ramu. Iato go, era qa qolo ego seni dena, tanego i sauna to Jesu iato iri taru ze go ruruqe ria vano Izirel.”

Zazu Ria Apostoloro 3:25

Pui ia God ni vazuka qirae osiqira propeta ro ne, i ke ramu, mana qamu kenakena bana pui voru ia God, ni zazu bana ze de iri koe vanovano bana ramu. Gerena so ni sine bana ne Abra-am, ‘De iri koego popodo ria salesale ro aro, era tuna va makaolo qira basoero na pua dena.’

Leta Ia Pol I Karo Ne Qira Basoero Na Rom 9:8

Talupasana pata dena, salero iri podoe go so zuka ia tokama, iriki salero ogoto ia kaega God. Do salero iri podo ego pui ia God, ria to nae iri salero ogoto ia God.

Qalesia 4:8

De i lupo bana mego ramu qamuki rove kaega God. Iago ramu qamu seka ne so god poqepoqe ro ne.

Epesus 2:19

Iago, ramu vano qamuki Jiu go kaega qamuki basoe kakavata to kaega. Pasi dena ramu qamu basoero tavine tavise to sinaqe basoero ia God, mana ramu qamu lama kameka tatamanae de ikoego God go.

Epesus 4:18

Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Kolosia 1:21

De ilupo bana me, ramu qamu laqalaqa ne God mana qamu kana ne ia, tanego sauna vatovato sakata qamu zazu ne mana qamu nanao go.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 1:5

Ṉalu tarama ogoto mana Tarama Velaka go i garetu doka kenaqe de gamu koego ramu, ramu qamu gata bana pata qata mazala pala zena Tarama Velaka igogo ne, tanego vaogoto mana mamaligara i kutamana to pata qamu ala ne go, pata igogo ne iato i soti vanadu ze God tepa rani ne.

Kameka Tesalonika 4:13

Ramu turaquro, remu qi soko ramu muna rove vavelake de iri gogo vano iri le bana go, go ramu muniki maqata gere qira vano i kaega ne qira go ruruqe de ikoego God.

Kameka Tesalonika 4:5

Mana kasi valulu zena nanaoqamu soko naso tokama na qole, gere qira vano rodoko iriki rove go kaega God.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 1:1

Era Pol qa kakia apostolo ia Jesu Kristo, i vine bana va God na vari vakavele mana Jesu Kristo, iato ikoego pata qata ala nego toṉove na,

Iburu 11:34

iri vae vale nako i lete uqulu go, iri vasivala ne ṉalu iri vele tolu koboro qira e peqi loda ne. Iri pela, do iri karaputa napu, iri lete karaputa napu iri varivavae mana iri taru vaqoqoro qira degara na vudu kakavata ro go.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Iburu 8:6

Do ninidena, Jesu i pala zazu patere i lete sivala ne zazu ria kero ne patere ro, gere so vari toqe velaka i vanama ze vari lobori qiru God mana basoe, tanego i nadu eso pui na pata i velaka go.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Pita 3:15

Do vabatua ia, tanego Kristo i koe loborona puṉu qamu, mana tudua ia ni batu ne go too ramu. Iago vanama osina ṉalu go tamuna va taule ne qira go basoero ne, ṉalu iri tana ne ruruqe ramu de koe Kristo.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.