Epesus 2:10 - Vato Vari Vakameka Voru Ia Batu Ne

¹⁰ God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 2:10 ပူးပေါင်းရင်းမြစ်များ

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Tarama Velaka Ia Jesu Kristo I Karo Go Jon 3:21

Do ṉalu ka basoe i zazu ne pataro i ogoto go, ia tina lamae tatavata, tanego i soko tatavata nae na vasadaka velaka ne osina pataro i zazu nego, tanego i vaogote God.”

Zazu Ria Apostoloro 9:31

Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.

Zazu Ria Apostoloro 9:36

Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Kameka Korinti 3:9

Tanego qaru kameka zazu ne zazu ia God, mana ramu qamu barue ia go. Mana ramu qamu pade ia God.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Karua Korinti 5:5

God iato i vanama bana ne qita ita kavala ro dena, iteke bana ne qita Spirit tabo ia, go i vananao taru qitae ita, topu na pataro iara ko napu, i babana ne qita go.

Karua Korinti 9:8

Mana God tina teke vatopu ne qamu, sivala ne de qamu soko go, iago ramu tamuniki ara pusi ne kaega kapata.

Qalesia 6:15

I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.

Epesus 1:1

Era Pol loborona soko ia God qa apostolo ia Jesu Kristo, qa karo ne qamu ramu vano na komala Epesus qamti vanadue go too ramu loborona Jesu Kristo.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 2:13

Do ninidena loborona kameka i Jesu Kristo, ramu qamu ko valaqalaqa bana me so, God i pala vagarogaro qamue de ikoego tanuna sauna le ia Kristo.

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 2:6

Loborona ko vari vakameka ita de ikoego Jesu Kristo, God i vatoo palu napu qita ita go tatana ko batu tavisi ze ia komala na rani ne.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 4:24

mana pala too voru ni zazu bana mego God i va gere ze go too ia tanuna. Ṉalu ramu qamu gogo nae, ramu qamu vasadake too ogoto i totoloṉo mana i tabo go.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Pilipae 2:13

Tanego God i zazu tarue loboro qamu ramu, go mara vamazala qamu go muna toqe ne mana lulua vatovato ia tanuna.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 3:10

mana qamu pala too voru. Ramu qamu basoe vorue de koe God mana i vatatana qamu, go tamuna rove velake tanuna i va voru taru qamu, go tamuna ko gere tanuna.

Karua Tesalonika 2:17

Remu qi pene ia, go mara vakaraputa nanao qamu, go osina ṉalu muna zazu mana sine pata ni veiaka go.

Kameka Timoti 2:10

Ba iane, qolero kristiano mara vasadake too, ba vatovato velaka ria gere qira qolero iri pada ne go ko basoe lotu.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Kameka Timoti 5:25

I gere napua so, zazu velaka ro i sadaka va totoloṉo so mana basoero ne iri mia rove go. Iago patavolomo zazu velaka i ko pipika go, tiniki ara ko pipika kaega.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Karua Timoti 2:21

Ṉalu kakia basoe i vadalo too ia, dekoe vasakata pata ro qa sine go era ne, ia tina basoe tabo mana tina basoe zazu ia Kristo, mana tina vanama taru neso kakiaro napu zazu ro go.

Karua Timoti 3:17

Sauna to seko ro nae, ita basoero ia God qata mazala luluna too mana vatovato velaka, go tina tora vavelaka qita zazu ne na zazu velaka ro go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Taetusi 3:1

Sine va moqere ne qira basoero aro, mara va mazala qira vano kenakena ro mana vano batubatu na qavuna go. Ria mara vaogoto qira mana vanama ne zazu na pataro i velaka go.

Taetusi 3:14

Vakitaka ro ita vano lotu, mara rove de go tarina zazu neso pataro ni velaka go, go tarina mazala go tavisi ne qira basoero i kaega ne qira go kapata. Mara ria kasi ko volomo go.

Iburu 10:24

Mata vari mia lote osiqita, mata vari vatatavisi, mata vasadake mamaligara, mana zazu ne zazu velaka ro go.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 2:6

Ṉalu basoe igo, iko kamekae loborona God, basoe nae to too ia tina igere ogote vatovato ia Jesu Kristo.