Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Epesus 1:7 - Vato Vari Vakameka Voru Ia Batu Ne

7 Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

အခန်းကိုကြည့်ပါ။ ကော်ပီ




Epesus 1:7
67 ပူးပေါင်းရင်းမြစ်များ  

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”


iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.


Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.


Jesu igo, “Iadena i parasaqu, i tazele ne vakavele qira osiqira basoero ne, parasaqu dena i vanadua go vari toqe ia God.


Ia tina sine ne qira basoero ne tarina kavele, ṉalu ia tina va talupase go vasakata pata ro ria.


Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.


Ṉalu ka basoe qamu nanao ule ne vasakata pataro ia, God tina nanao ule ne ia, mana God tiniki nanao ule ne kaega, basoe qamuki nanao ule nego kaega vasakata pata ro ia.”


Osiqira ria propetaro iri seko bana ne ia, osiqira basoero iri vaogote go loborona ia, vasakata pata ro ria tina talukasa lupoe loborona karaputa na vitoṉo na ia.”


Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.


Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.


Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.


Kadigo aro qo va patavolome so God, sauna vari nanao ia mana iki muna katikili kaega, do ia iko piri so ṉalu qata zazu ne go ita pata sakata. Iago muna mia rove God i vasadake varinanao ia de qamu koego. Tanego ia i pada ne muna nanao ule, mana kavala ze too velaka sauna too sakata ro ramu.


Do sosovolomo na velaka ia God i vatotoloṉo napu qira basoero de ikoego tanuna, loborona Jesu Kristo ni lukase go vasakata pata ro ria.


God i valame Kristo go i komakoma ne go sauna le ia, go tina vakuziki ne go vasakata pata, go God tina nanao ule ne go vasakata pata ro ria basoero ne. Loborona vaogoto ria de ikoe go Kristo, God i zazu ne pata dena go mara vasadake totoloṉo ia Tanuna igo. De i lupo bana mego ia iki muma katikili kaega, mana i mia vana ne so vasakata pata ria vano basoero.


Mana i soko napu vasadakena velaka sivala na karaputa ia, i zele me ze go de iri koe go ria iri pala go manava ia, mana de qata koe go ita ia i vanama ne qita go tatana pala tavise go menomeno ia.


Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.


Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.


Spirit tabo iteke qita karaputana mazala, go ita tatana pala go pataro i piu bana ne qita go God. Mana ia i varove ogoto qita ita, God tina lukasa ogoto qira basoero iri ke iago. Iago ita mata vazaka God ni lete menomeno sivala go.


Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.


Iago ita mata vazaka ze, God sauna Mana ia, mana karaputana mazala ia sauna sosovolomo na kameka Sale valeke ia iteke ne qita go.


go i vasadaka va velaka ne qita go osina tarove ia mana mimia rove iago.


Do manava ia God i lete karaputa mana mamaligara ia i lete lavata sivalae de qata koego ita.


God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.


Qa pene God iko ne go karaputa, go Spirit ia mara valame ne qita karaputa go mara vamoqere too ita.


Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.


Mana sauna topu na pata vavagado ia iva goe ze Jesu Kristo. God era tinara sosone qamu topu na pata qamu soko go.


de koe ia ita qata kavele, iato go vasakata pata ro ita i talupasa go.


Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.


De bana ne gerena pata qamu qamu le, tanego sauna vasakata pata ro ramu, tanego ramu qamuki vano Jiu kaega mana i kaega ne qamu tamana go. Do God i pala valame qamue too loborono Kristo. God i nanao ule ne osina vasakata pata ro ita.


Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.


ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,


Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.


God i teke lupo qita me Spirit tabo ia de qata koego ita, loborona de ikoego Jesu Kristo i vakavele qita go,


Pata ogoto, lulua go de igogo Tamana ne, osina pata i va dalo ze parasa, vasakata pata i mazala nanao ule ṉalu parasa i zuga poka go basoe nae.


Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.


Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.


Qa karo ne qamu salero era, tanego God i nanao ule ne vasakata pataro ramu, iato iva doka ze go le ia Kristo.


Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.


God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.


Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.


Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ