Epesus 1:4 - Vato Vari Vakameka Voru Ia Batu Ne

⁴ Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 1:4 ပူးပေါင်းရင်းမြစ်များ

Matiu 24:22

Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 15:16

Ramu qamuki vine ava kaega era, do era tane qa vine qamu go, mana qa teke ne qamu zazu go tamuna va ure go, ureure nae tiniki rove kaega lupo. Mana Mamae tina teke ne qamu pata qamu pene zego ia loborona vitoṉoqu era.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Zazu Ria Apostoloro 18:10

tanego era qa ko tavisi go. Kaega kaki basoe tina lama va sakati go, tanego basoero iri koego komala dena, iri basoero era so.”

Leta Ia Pol I Karo Ne Qira Basoero Na Rom 8:33

Akena to tina seko vasakata qira go basoero tavine ia God? Tanuna God to i sine vatatavata bana me, igo, iriki kebu kaega.

Kameka Korinti 1:8

Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Epesus 5:27

Tanego ṉalu Kristo i valame zego eklesia ne de ikoego, i soko eklesia ne mara mimia velaka, mana mara kaega to kaki sakata mara doka go, do mara totoloṉo velaka so.

Pilipae 2:15

go tamuna ko totoloṉo mana voru gerena salero velaka ia God, iri koego vudu pua i lete sakata mana basoero iri koego iri vatovato sakata. Ramu tamuna damara gere domiri i tatavata ego zakazaka ne, de iri koego basoero ne,

Kolosia 1:22

Do ninidena, loborona basoe ogoto ia Jesu, mana ni le go, God i vine qamu tamuna vakitaka ia, go ramu tamuna tabo, dalo, mana tina kaega ne qamu kebu, tarakenaqana ia.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Tesalonika 3:12

Mana Batu ita Jesu mara vazazao popoka vari mamaligarae ramu, de iri koego kero ne basoero, gerena mamaligara reremu ikoego de qamu koego ramu.

Kameka Tesalonika 4:7

God iki koru bana qitae kaega ita, too na varivagabu ba taunata. Do ia i koru qita ita tatana va tabo too ita.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.