Epesus 1:23 - Vato Vari Vakameka Voru Ia Batu Ne

²³ Eklesia i tokamana to tanuna Kristo. Iato izazu lupo ne go osina pataro sauna Kristo, gerena Kristo tanuna izazu lupo ne go osina pataro na osina dia ne.

Epesus 1:23 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:16

Mana loborona nanao na, i purake kula ia de qata koego, osina ṉalu i teke ne qita manava ia.

Leta Ia Pol I Karo Ne Qira Basoero Na Rom 13:5

Iato dena kutamana go pata tamuna vaogoto qirae go ramu vano iri batu ne qamu go. Iago muniki sareki ne zaqe so vari vakimata ia God, do nanao velaka i reqeme go loborona nanao qamu i sine bana ne qamu so.

Kameka Korinti 12:6

Topu na soso gadogado na roverove dego qata mazala vazazu zena zazu ro ita, do kameka so God i teke qita go tarove, de go qata mazala go vazazu ze na zazu ro ita.

Kameka Korinti 15:28

Do ṉalu osina pata tina koe to polana karaputa ia Kristo, Kristo tina taru ze tanuna polana God. Tanego God i teke ne go ia karaputa, go i batu go mana tanuna God tinara batu lupo ne osina ro pata go.

Epesus 2:16

Le ia koluse ne, Kristo i pero varikanae riru, mana i vakameka qirue de ikoego God.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Epesus 3:19

Ove, ramu muna nanao rove lavatana mamaligara ia, i makuru qita go nanao rove lupo na. Iago muna vapuraka totoloṉo ze de qamu koego too totoloṉo ia God.

Epesus 4:10

Iago basoe nae to i qoqoro bana mego, mana i gado popoka napu za go, iza koe zakazaka sivala ne, go osina pata tarina ko lupoe rani ne.

Epesus 4:12

Ia izazu ne pata dena go mara vanama ne qira basoero ia God sauna zazu ne na zazu ia, go tarina vadegere go mana vazazao popoka tokamana Kristo.

Epesus 4:13

Loborona to vatovato dena osiqita tatana lama kamekae go vaogoto ita, mana rove na qata salero ia God. Mana ṉalu ita tatana basoe kazigarata, ita tatana lama dokae go tutukununa too totoloṉo sivala ia Kristo.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Kolosia 2:19

Basoe nae iki pala taru vanadu e kaega de koe Kristo, ia to i kuzukuna go tokama qita, Mana kuzuku nae to i va karaputa go tokama ne go tina podo vamoqere go vari soma na de i koe uri ro mana rota ro go, go tokama ne tina podo, gere so de i soko go God.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.