Epesus 1:21 - Vato Vari Vakameka Voru Ia Batu Ne

²¹ Kristo i zakoe rani ne, mana i Batu sivala ne qira osiqira aqeloro mana osina karaputana zakazaka ne, mana vitoṉona Kristo i lete sivala ne osina to vitoṉo i ko go karaputa na, iri koego vudu pua ninidena, mana vudu tinara za lama go.

Epesus 1:21 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Zazu Ria Apostoloro 4:12

Vari vakavele, ireqe me so de i koe go tanuna Jesu, osina dia kolabuna vudu pua i kaega napu kaki basoe, do tanuna to Jesu, God iteke ne qita go tina vakavele qita go.”

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Epesus 6:12

Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Kolosia 2:10

mana ramu qamu pala bana tutukunu na too loborona vari vakameka de koe ia. Iato i ko mazala sivala ne qira aqeloro mana osiqira ke ro ne vano karaputa ro mana iato i Batu sivala ne qira osiqira.

Kolosia 2:15

Mana koluse nae ne, Kristo i lukasa ze tanuna de koe karaputa ro ria vano lavata ro mana vano kena kenaqa ro ia Satana. Ia i va agava qira e ria tarakenaqa qira basoero ne ṉalu i vaqoqoro qira go.

Iburu 1:4

God i vine bana Sale ia, tina mazala sivala ne qira aqelo ro, mana vitoṉo i teke go God i sivala ne vitoṉo qira aqeloro go.

Iburu 2:5

God iki taru qirae kaega aqelo ro tarina kenaqa ne kolabana pua voru tinara lama go, iato kolabana pua qata seko nego dena.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.