Epesus 1:18 - Vato Vari Vakameka Voru Ia Batu Ne

¹⁸ Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 1:18 ပူးပေါင်းရင်းမြစ်များ

Matiu 13:15

tanego basoero nae i kokoqu bana nanao qira, mana iri olia qeqele qira mana va kodo mataqira go. Ṉalu tariki gogo kaega, ria tara mimia ne mataqira mana gata pata ne to qeqele qira, mana nanao qira tara ria nanao rove ne to go, mana tabali me de qa koego era mana era qa mazala, va velaka ne qira go.’

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Luka 24:45

Gonae i va papaqa nanao qira, go tarina nanao rove de go zazao na Buka tabo ne.

Zazu Ria Apostoloro 16:14

Kaki kameka ria, i gata go seko remu, vitoṉona Lidia, i reqe me Taetira, qole dena i volivoli ne poga qore i lete voli makuru go, ia i vazaka God, mana Batu ne i papaqa nanao na ia, go tina vavaroṉo no velaka ne pataro i sine go Pol.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 11:29

Tanego ṉalu God i vine go basoe, mana i teke ne vatabo ia gogo ne, God iki ara kavale kaega nanao na.

Leta Ia Pol I Karo Ne Qira Basoero Na Rom 2:4

Kadigo aro qo va patavolome so God, sauna vari nanao ia mana iki muna katikili kaega, do ia iko piri so ṉalu qata zazu ne go ita pata sakata. Iago muna mia rove God i vasadake varinanao ia de qamu koego. Tanego ia i pada ne muna nanao ule, mana kavala ze too velaka sauna too sakata ro ramu.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Qalesia 5:5

Do remu qimu ruqe zaqe God tina vatotoloṉo qemue de ikoego tanuna. Iato nae pata qimu piri ne go remu loborona Spirit tabo ia God, izazue go loborona vaogoto remu.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Epesus 3:16

Qa pene God iko ne go karaputa, go Spirit ia mara valame ne qita karaputa go mara vamoqere too ita.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 1:5

Ṉalu tarama ogoto mana Tarama Velaka go i garetu doka kenaqe de gamu koego ramu, ramu qamu gata bana pata qata mazala pala zena Tarama Velaka igogo ne, tanego vaogoto mana mamaligara i kutamana to pata qamu ala ne go, pata igogo ne iato i soti vanadu ze God tepa rani ne.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Karua Tesalonika 1:11

Ia tonae tane osina ṉalu remu qimu pene ne qamu go ramu. Qimu pene God ita go mara vatora qamue ramu too ni koru bana qamue go tamuna pala go. Qi pene, go ia mara vazazua karaputa ia, go mara voto lupo osina pata velaka ro qamu soko go, mana valupo to zazu ireqe mego vaogoto ramu.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 6:12

Tetene va velake loborona vari vose na vaogoto aro, go tono tonovo ze too aro, too iki rove go kaega lupo. Tanego i sauna too dena, God i koru goe aro, ṉalu qo vanadua go vaogoto aro tarakenaqa qira basoero ne.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 10:32

Muna nanao ule zaqe pataro i sadaka bana mego. Ṉalu tatavata ia God i lama sadaka qamu go, ṉalu nae ramu qamu kimata ne topuna pata, do pataro nae iki va noto qamu kaega ramu.

Iburu 6:4

Do ava tarina go ria iri tabali kakamu ne Kristo, tarina tabali ule mana manava sakata go? Tanego basoero nae iri ko bana eto tatavata ia God, mana iri pala bana soso i teke qira go God i reqe me rani ne, mana Spirit tabo i lama ko tavisi bana qira go,

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.